Спорт
Спектакуларна кореграфија на навивачите на Галатасарај
Навивачите на турскиот гигант Галатасарај приредија спектакуларна кореографија на стадионот Неф во чест на 100-годишнината од формирањето на Република Турција. Сè изгледаше навистина спектакуларно.
Навивачите на великанот од Истанбул и оддадоа почит на својата земја на вечерашниот натпревар против Аланијаспор. Направија нереална атмосфера за која ќе се зборува.
За 100-тиот роденден на Република Турција беше подготвена кореографија за паметење.
Се разбира, најголемиот дел од кореографијата е посветена на основачот на турската држава, Мустафа Кемал Ататурк, кој го собори султанот Мехмед VI пред точно 100 години и го укина султанатот.
Една година подоцна, на 22. октомври 1923 година, Турција официјално беше прогласена за република, а Мустафа Кемал стана нејзин прв претседател. Подоцна го добил прекарот Ататурк (Татко на Турците).
Ататурк и денес е важен дел од животот на сите Турци. Неговите достигнувања ќе останат засекогаш запаметени и турскиот народ му е благодарен за сè што направил низ историјата.
Што се однесува до натпреварот меѓу Галатасарај и Аланијаспор, тој заврши со резултат 2:2. Галатасарај имаше водство од 2:0 со головите на Мертенс и Икарди. Проблемите за Галата започнаа во 31.минута Бое доби црвен картон.
Во вториот дел Балковец намали на 2:1, а Коко во 91.минута ги постави конечните 2:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Се подготвува нов меч Усик – Фјури
Апсолутниот шампион во тешка категорија, Украинецот Олександр Усик и Британецот Тајсон Фјури ќе имаат нова борба, на 21 декември, објави Турки Алакшик, претседател на Генералната управа за забава на Саудиска Арабија.
Усик го победи Фјури на 18 мај во Ријад со одлука на судиите и стана неприкосновен шампион во ерата со четири појаси.
Реваншот беше планиран за октомври, но Турки Алалшик вели дека датумот е поместен за декември.
„Светот повторно ќе гледа уште една историска борба. Нашата посветеност кон љубителите на боксот продолжува. Се надеваме дека ќе уживате“, Алалшик.
Украинецот Усик, првиот апсолутенн шампион во тешка категорија по Ленокс Луис во 1999 година, го додаде ВБЦ појасот на Фјури во неговата колекција на ВБА, ВБО и ИБФ.
Малку е веројатно дека сите четири појаси ќе бидат на линија во реваншот, а ИБФ планира да му го одземе појасот на Усик бидејќи тој во наредниот период нема да се соочи со задолжителен предизвикувач.
Спорт
Откажана мото ГП-трката во Индија
Трката за Големата награда на Индија во Мото ГП шампионатот, која требаше да се вози од 20 до 22 септември, е откажана, соопштија организаторите.
Како што се додава, во тој период ќе се вози и трката во Казахстан, која требаше се вози на од 14 до 16 јуни, но беше одложена поради лошите временски услови.
Организаторите изјавија дека овогодинешната трка во Индија е откажана од „оперативни причини“, но дека ќе се вози следната година.
Со откажувањето на ГН на Аргентина на почетокот на април, календарот на Мото ГП моментално има 20 трки, од кои шест се веќе одржани.
Спорт
Најдобриот играч на Џенова обвинет за силување
Алберт Гудмундсон, фудбалер од Џенова, се соочува со повеќегодишна затворска казна доколку биде прогласен за виновен за сексуален напад.
Исланѓанецот во август бил пријавен од девојка од Рејкјавик, која тврди дека ја малтретирал во ноќен клуб.
Гудмундсон тврди дека не е виновен, но така не мисли правниот застапник на девојката. Тој тврди дека фудбалерот би можел да помине и до 16 години зад решетки.
„Секој што има сексуални односи со лице без нејзина согласност е виновен за силување и може да добие затворска казна од најмалку една година до најмногу 16 години“, изјави адвокатот на споменатата девојка.
Според тамошните медиуми, Гудмундсон наесен ќе се појави на суд, што би можело да го коммпромитира неговиот евентуален трансффер во поголем клуб.
Оваа сезона Гудмунсон постигна 14 голови. На листата најдобри стрелц пред него беа само големите ѕвезди: Лаутаро Мартинез (24), Душан Влаховиќ (16), Оливие Жиру и Виктор Осимен (15).