Свет
Последен ден на Лиз Трас како премиерка: проштален говор па аудиенција кај кралот
Риши Сунак денеска ќе стане новиот британски премиер, објави Даунинг стрит.
Тој ќе ја замени Лиз Трaс, која минатата недела поднесе оставка по 45 дена на премиерската функција.
Трас го одржа последниот состанок со членовите на нејзиниот кабинет денеска во 9 часот по локално време. Таа се очекува да го одржи својот последен говор како британски премиер пред Даунинг стрит 10 во 11:15 часот.
Актуелната премиерка потоа ќе замине во Бакингемската палата со службено возило, на последната аудиенција кај кралот Чарлс Трети. Откако таа ќе му поднесе оставка на кралот, нејзината премиерска функција официјално ќе заврши таму. По средбата со Трас, кралот Чарлс ќе биде домаќин на новоизбраниот претседател на Конзервативната партија Риши Сунак, кој ќе ја преземе премиерската функција, пишува „Скај њуз“.
Кралот ќе го покани да формира нова влада. Се претпоставува дека Сунак потоа ќе замине во својата нова резиденција, каде што ќе го одржи првиот говор како премиер.
По напуштањето на Бакингемската палата, Лиз Трас ќе биде повторно назначена за пратеник, за првпат по десет години.
Се очекува со службен автомобил од палатата да оди до зградата на Собранието. Според сегашните закони во Велика Британија, таа ќе има право да користи службено возило до крајот на својот живот. Ова правило важи само за поранешните премиери, а тие ќе имаат право и на лично обезбедување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.