Црна хроника
Ресенчанец претепал водоводџија и му ја скршил ногата
Насилник од Ресен претепал водоводџија додека тој работел во куќа на друг ресенчанец, соопшти МВР.
Триесет и двегодишниот насилник С.А. вчера околу 10 часот отишол во куќата на Н.Е. на улица „11 Октомври“ и го претепал осумдесет и тригодишниот водоводџија С.П. кој работел во неговата куќа.
Насилникот почнал да го тепа водоводџијата со тупаници по главата и телото. Потоа го извадил во дворот од куќата и продолжил да го тепа.
Му ја скршил левата нога и му нанел повреди по целото телото. Од полицијата велат дека немало посебна причина за нападот, ресенчанецот бил проблематичен и претходно бил пријавуван за други кривични дела.
Напаѓачот е приведен, а на повредениот му била укажана лекарска помош./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.