Свет
Кремљ му се закани на Западот: Ако се вмешате, сателитите ќе станат цел
Високиот функционер на руското Министерство за надворешни работи Константин Воронцов изјави дека комерцијалните сателити од САД и нивните сојузници би можеле да станат легитимна цел доколку тие земји одлучат да интервенираат во војната во Украина.
„ Квазицивилната инфраструктура би можела да биде легитимна цел како мерка за одмазда“ рече Воронцов, заменик-директор на одделот во министерството што се занимава со неширење и контрола на оружјето, пренесе ТАСС.
Тој додаде дека станува збор за учество на цивилна вселенска инфраструктура, вклучително и комерцијална вселенска инфраструктура, која ја користат САД и нивните сојузници во вооружени конфликти.
Затоа, Русија го повикува Западот да престане да го смета просторот како арена за конфликти меѓу државите, посочи Воронцов.
„Спроведувањето на плановите на САД и западните земји за распоредување оружје во вселената и користење на просторот за борбени цели, со цел да се постигне доминација и супериорност, носи сериозна закана. Ваквите постапки имаат многу негативни последици за глобалниот мир и безбедност, би претставувале драматично дестабилизација на ситуацијата – додаде Воронцов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.