Спорт
Три ДРС-зони на патеката „Херманос Рамос“
Викендов на патеката „Херманос Родригез“ ќе се вози Големата награда на Мексико. На патеката повторно ќе има три зони, во кои возачите ќе можат да ги активираат своите ДРС-системи.
Првата зона ќе биде најдолга и се наоѓа на стартно-целната линија, а точката за активирање ќе биде на точно 323 метри од излезот на последната кривина, што значи дека пилотите ќе возат речиси еден километар со отворено задното крило.
Сепак, поради исклучителната надморска височина од над 2.200 метри и реткиот воздух, оваа должина на првата ДРС-зона, не се очекува да придонесе за голем број претекнувања на неделната трка.
Втората зона, каде што пилотите ќе можат да го отворат задното крило, ќе биде на патот помеѓу свиоците три и четири, а точката за активирање ќе биде 116 метри по излегувањето од третата кривина.
За првите две зони ќе има заедничка точка за откривање на разликата меѓу возачите, која ќе се наоѓа на самиот излез од свиокот 15.
Третата и последна зона за активирање на системот ДРС, која беше додадена во 2019 година, ќе биде лоцирана на кратко пред да влезе на самиот стадион. Зоната ќе започне 80 метри по излезот од свиокот 11, а разликата меѓу возачите ќе се мери 70 метри по свиокот девет.
Инаку, според последните информации, неделната трка ќе се вози под идеални временски услови. Температурата за време на трката ќе биде 24 Целзиусови степени, а шансите за врнежи се под 30 проценти. И ветерот не би требало да претставува проблем за возачите, бидејќи се очекува да биде не повеќе од 2,2 м/сек.
Слични временски услови се очекуваат и в петок и в сабота, што ќе ги олесни тренинзите, квалификациите и подготовката на екипите за трката, иако вториот тренинг в петок ќе биде посветен на тестирањето на гумите за следната сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул и Јувентус водат во трката за потписот на Гнабри
Иако Серж Гнабри игра брилијантно оваа сезона во Баерн Минхен, постојат големи шанси да го напушти клубот по завршувањето на сезоната.
Причината е возраста, но и неговиот договор, кој истекува во јуни 2026 година, па од јануари ќе стане слободен да преговара со потенцијални идни клубови.
Први во редот да го земат Гнабри без обештетување се Ливерпул и Јувентус.
„Билд“ пишува дека Баерн не сака да ја продолжи соработката со германскиот репрезентативец, бидејќи му плаќаат помеѓу 18.000.000 и 20.000.000 евра бруто, на годишно ниво.
Гнабри се докажа на големата сцена како исклучителен фудбалер, но факт е дека во претходните две сезони беше во значителен пад, и дека немаше иста статистика како во годините пред тоа.
Оваа сезона, пак, игра многу подобро, но во Баерн проценуваат дека тоа не е доволно за да стават нов договор на маса со истите услови.
Интересно е што досега одигра точно 300 натпревари за клубот од Минхен, со 95 гола и 65 асистенции.
Во германската репрезентација има 55 настапи и 24 гола, заедно со девет асистенции
Спорт
(Видео) Историски меч на Кари, трип-дабл на Харден, Таунс и Шемет го изрешетаа Мајами
Ветераните Стеф Кари од Голден стејт Вориорс и Џејмс Харден од ЛА Клиперс, ги обележаа синоќешните натпревари во НБА купот.
Голден Стејт Вориорс ги победија Сан Антонио Спарс со 109:108 во натпреварот од НБА Купот.
Тој постигна 49 поени со 4 скока и 2 асистенции, а шутираше 16/26 од поле, односно 9/17 за три поени и 8/8 од линијата за слободни фрлања.
Тој стана најстариот кошаркар што некогаш постигнал најмалку 46 поени во два последователни натпревари.
И тоа не е сè, во третата четвртина, по 99-ти пат во кариерата, имаше 12 поени за три минути, што е најдобро во историјата на лигата, откако Џејмс Харден постигна 12 или повеќе поени за три минути 78 пати, а Лилард и покојниот Коби Брајант успеаја во тоа 65 пати.
Стеф Кари беше фаулиран на крајот од натпреварот и ги погоди две клучни слободни фрлања за 109:108, а Диерон Фокс потоа не погоди за победа.
По 58 минути кошарка, Лос Анџелес Клиперс победија во Далас со 133:127.
Централна фигура на натпреварот беше ветеранот Џејмс Харден, кој одигра 51 минута и го заврши натпреварот со импресивен трипл-дабл, 41 поен (13/25 од поле, 9/11 слободни фрлања), 14 скока, 11 асистенции и 3 изгубени топки. Тој постигна 6 поени во првото продолжение и 4 во второто продолжение и беше најзаслужен за победата.
Њујорк Никс ги победија Мајами Хит со 140:132. Никс беа без својот најдобар играч Џејлен Бренсон, па Карл Ентони Таунс ја презеде одговорноста и го заврши натпреварот со 39 поени, 11 скока и 4 асистенции, а имаше и една украдена топка и ниту една изгубена топка.
Лендри Шемет исто така го изрешета Мајами, го заврши натпреварот со 36 поени, додека Џордан Кларксон постигна 24, Микал Бриџис 15, а Џош Харт имаше трипл дабл со 12 поени, 12 скока и 10 асистенции.
Мајами не можеше да смета на Бем Адебајо, Тајлер Хиро и Тери Розир (под истрага на ФБИ), па Норман Пауел беше лидер со 38 поени и 5 скока.
НБА Куп, 2. коло:
Њујорк Никс – Мајами Хит 140:132
Орландо Меџик – Бруклин Нетс 105:98
Детроит Пистонс – Филаделфија Севентисиксерс 114:105
Хјустон Рокетс – Портланд Треил Блејзерс 140:116
Милвоки Бакс – Шарлот Хорнетс 147:134
Минесота Тимбервулвс – Сакраменто Кингс 124:110
Њу Орлеанс Пеликанс – Лос Анџелес Лејкерс 104:118
Далас Маверикс – Лос Анџелес Клиперс 127:133
Сан Антонио Спарс – Голден Стејт Вориорс 108:109
Спорт
(Видео) Хрватска го завери пласманот на СП
Хрватската фудбалска репрезентација ги победи Фарските Острови со 3:1 во претпоследниот натпревар од квалификациите за Светското првенство и го потврди првото место во групата Л.
Хрватите се третата европска репрезентација која обезбеди пласман на завршниот турнир во Канада, САД и Мексико, по Англија и Франција.
Натпреварот од деветтото коло од европските квалификации одигран во Риека заврши со резултат 3:1 (1:1).
Момците на Златко Далиќ имаат недостижни шест бода повеќе од второпласираните Чеси во пресрет на последното коло.
Натпреварот не започна добро за Хрватите. Фараните неочекувано поведоа во 14-та минута. Голот го постигна Геза Давид Тури.
Хрватска изедначи седум минути подоцна преку Јошко Гвардиол. Петар Муса го комплетираше пресвртот во 57-та минута, а точка на натпреварот стави Никола Влашиќ во 70-та минута.
Во последното коло, Хрватска ќе и гостува на Црна Гора.
Foto/ EPA

