Спорт
Џеко не знае дали ќе остане во Интер
Напаѓачот на Интер, Един Џеко, по победата над Викторија Плзен (4:0) и пласманот во осмина-финалето, во Лигата на шампионите изјави дека не знае дали ќе остане во клубот и следната сезона.
Фудбалскиот репрезентативец на Босна и Херцеговина постигна два гола за Интер во триумфот над Пилсен.
„Тоа е затоа што Брозовиќ не играше вечерва“, се пошегува Џеко кој беше прогласен за играч на натпреварот, а неговите зборови ги пренесе порталот semperinter.com.
„Со исклучок на 10, 15 минути, мислам дека одигравме многу добро. Правам сè што можам за да му помогнам на тимот, тоа е моја должност. Некогаш оди добро, некогаш оди полошо, но се трудам да дадам сè од себе и на 36 години. Сè уште не сме преговарале околу новиот договор, сè уште сме во раната фаза од сезоната. Се чувствувам добро и знам дека сè уште можам да играм на ова ниво, па ќе видиме дали кариерата ќе ја продолжам во дресот на Интер или во некој друг клуб” – изјави Џеко.
Фудбалерот на Босна и Херцеговина во Интер пристигна од Рома во 2021 година, а претходно настапуваше за Манчестер сити, Волфсбург, Усти над Лабем, Теплице и Жељезничар.
За селекцијата на Босна и Херцеговина, Џеко одигра 126 натпревари и постигна 64 голови и е рекордер на репрезентацијата во двете категории.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Ѓоковиќ би можел да се збогува со тенисот по Олимпијадата“
Марк Печи, поранешен британски тенисер и поранешен тренер на Енди Мареј, зборуваше за Новак Ѓоковиќ и можноста тој да се пензионира по Олимпијадата во Париз оваа година.
Ѓоковиќ не е во добра форма од почетокот на сезоната, има две полуфиналиња и два порази во трето коло на мастерсите, па многумина зборуваат за можноста наскоро да се пензионира.
Марк Печи го спореди со Пит Сампрас и најави дека очекува Ѓоковиќ да се пензионира по Олимпијадата во Париз.
Anyone else getting a Paris Olympics massive push for the one thing Novak doesn’t have and then Au Revoir to tennis?
Starting to get Sampras 2002 vibes.
Still have him in the favourite category for RG and Wimbledon but to be this great for so long takes incredible sacrifice.
— Mark Petchey (@_markpetchey) May 12, 2024
„Дали некој сè уште верува дека Новак ќе има голем обид на Олимписките игри за тој еден трофеј што го нема и потоа ќе се збогува со тенисот? Тој почнува да ги има оние вибрации на Пит Сампрас од 2002 година. Тој сè уште е меѓу фаворитите за Ролан Гарос и Вимблдон, но за да биде толку голем толку долго бара невидена жртва“, напиша Марк Печи.
Британецот потсети на деновите кога Сампрас се обидуваше да остане на врвот по освојувањето на 13. Грен слем во 2000 година на Вимблдон. Американецот се пензионираше две години подоцна, откако го освои 14. Грен слем трофеј на УС Опен. После тоа, тој не играше 12 месеци, за да го потврди своето пензионирање во летото 2003 година, пред турнирот во Њујорк.
Ѓоковиќ моментално има 24 Грен слем трофеи, но го нема олимпиското злато кое долго и многу го посакува.
Спорт
Евролигата ги објави најдобрите петорки за сезоната 2023/2024
Кошаркарската Евролига ја објави првата и втората петорка за сезоната 2023/24.
Во гласањето учествуваа навивачи, новинари, тренери и капитени на тимовите. Во првата и втората петорка немаше место за најдобриот стрелец Маркус Хауард (Баскониј) и најдобриот дефанзивец Томас Вокап (Олимпијакос).
Двајца од Панатинаикос и по еден играч на Реал, Монако и Фенербахче се во најдобрата петорка: Факундо Кампацо (Реал Мадрид), Мајк Џејмс (Монако), Кендрик Нан (Панатинаикос), Најџел Хејс-Дејвис (Фенербахче) и Матијас Лесор (Панатинаикос).
💫𝗧𝗵𝗲 𝟮𝟬𝟮𝟯-𝟮𝟰 𝗔𝗹𝗹-𝗘𝘂𝗿𝗼𝗟𝗲𝗮𝗴𝘂𝗲 𝗙𝗶𝗿𝘀𝘁 𝗧𝗲𝗮𝗺💫
🔸Facundo Campazzo
🔸Mike James
🔸Kendrick Nunn
🔸Nigel Hayes-Davis
🔸Mathias Lessort pic.twitter.com/Mx8h5cISyr— Turkish Airlines EuroLeague (@EuroLeague) May 13, 2024
Во втората најдобра петорка има по двајца играчи на Макаби и Реал и еден на Панатинаикос: Костас Слукас, Марио Хезоња, Валтер Тавареш, Вејд Болдвин и Лоренцо Браун.
𝗧𝗵𝗲 𝟮𝟬𝟮𝟯-𝟮𝟰 𝗔𝗹𝗹-𝗘𝘂𝗿𝗼𝗟𝗲𝗮𝗴𝘂𝗲 𝗦𝗲𝗰𝗼𝗻𝗱 𝗧𝗲𝗮𝗺
🔹Kostas Sloukas
🔹Mario Hezonja
🔹Walter Tavares
🔹Wade Baldwin IV
🔹Lorenzo Brown pic.twitter.com/Zsa2ragllH— Turkish Airlines EuroLeague (@EuroLeague) May 13, 2024
За потсетување, овогодинешниот фајналфор ќе се одржи од 24 до 26 мај во Берлин.
Полуфиналните двојки се Панатинаикос – Фенербахче, односно Реал – Олимпијакос.
Спорт
Барселона бара 100 милиони евра за Араухо
Претседателот на Барселона, Џоан лапорта, наводно е подготвен да го продаде Роналдо Араухо.
На Каталонците очајно им требаат пари од продажба на играчи за да се засилат во летниот преоден рок, а Френки де Јонг по којзнае кој пат одбива да го напушти клубот.
Барселона е подготвена да го продаде Рафиња, но заминувањето на Бразилецот нема да биде доволно за да се обезбедат дополнителни пари за трансфери.
Наводно, одлуката да биде продаден Араухо, била донесена бидејќи од неговата продажба клубот може да инкасира околу 100 милиони евра. Голем интерес во јануарскиот преоден рок за Араухо покажа Баерн Минхен. Тогаш баварците нуде 70 милиони евра за Уругваецот.
Од евентуалните продажби на Араухо и Рафиња, Барселона планира да заработи помеѓу 150 и 180 милиони евра.
Тогаш клубот може да почне да ги реализира плановите на тренерот Чави, односно да се насочи кон трансферите на Нико Вилијамс од Атлетик Билбао и фудбалерите на Лајпциг Дани Олмо и Чави Симонс.
Во одбраната, никој не би го заменил Араухо, бидејќи наводно клубот верува дека таа позиција е добро покриена кога Жил Кунде ќе се врати во срцето на одбраната, заедно со Кристенсен, Кубарси, Иниго Мартинез и повратникот Ерик Гарсија.