Свет
Петти богаташ се откажа од руското државјанство поради војната во Украина
За краток период пет милијардери решија да се откажат од руското државјанство поради војната во Украина.
Милијардерот банкар и претприемач Олег Тинков во понеделникот изјави дека се откажал од руското државјанство поради конфликтот во Украина, кој претходно го критикуваше.
„ Донесов одлука да престанам да бидам руски државјанин. Не можам и нема да бидам поврзан со фашистичка земја, која започна војна со својот мирен сосед и секојдневно убива невини луѓе“ – рече Тинков.
Тој додаде дека откажувањето од руското државјанство е начин да се ослабне режимот на рускиот претседател Владимир Путин.
– Се надевам дека ќе ме следат уште поистакнати руски бизнисмени, така што ќе ослабне економијата на режимот на Путин и на крајот да доведе до негов пораз – напиша тој на Инстаграм.
Тој сподели слика од документ со кој се потврдува „престанокот“ на неговото руско државјанство.
– Ја мразам Путиновата Русија, но ги сакам сите Руси кои очигледно се против оваа луда војна! – рече Тинков.
Милијардерот е еден од најпознатите руски тајкуни кој сам се збогатил и ја основал онлајн банката „Тинкоф“, пишува „Москва Тајмс“. Банката е еден од најголемите кредитори во Русија, зад државните гиганти. „Тинкоф“ денес има околу 20 милиони клиенти.
Тинков силно ја критикуваше руската офанзива во Украина, опишувајќи ја како „луда војна“ и го повика Западот да стави крај на „масакрот“. Тој исто така беше цел на британските санкции наметнати веднаш по почетокот на конфликтот кон крајот на февруари.
Тој претходно беше уапсен во Лондон во 2020 година под обвинение за затајување данок во САД. Подоцна беше ослободен со кауција и се лекуваше од леукемија во Лондон.
Тој се повлече од функцијата извршен директор на „Тинкоф“ во 2020 година и банката се огради од неговите коментари против руската инвазија.
Тинков е само еден од низата милијардери кои се решиле на ваков драстичен чекор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелските сили ги нападнаа северниот и јужниот дел на Газа, а борбите продолжија во текот на ноќта
Израелските сили денеска нападнаа неколку области низ Газа, а жителите известија дека борбите продолжиле во текот на ноќта во Рафах на југот од палестинската енклава.
Жителите изјавија дека борбите се интензивирале во населбата Тел Ал Султан во западниот дел на Рафах, каде тенкови се обидувале да се пробијат на север, пренесува Ројтерс.
Претходно денеска во израелски напад загинаа тројца Палестинци во близина на кампот Џабалија.
Свет
(Видео) Асанж пристигна во Австралија: емотивна средба со сопругата и неговиот татко
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.