Спорт
Дончиќ и Јанис брилијантни, Голден стејт и ЛА Лејкерс катастрофални
Лука Дончиќ и Јанис Адетокумбо индивидуално ја обележаа изминатата ноќ во НБА лигата, во која нови порази доживеаја актуелните шампиони Голден стејт Вориорс и ЛА Лјкерс. Далас Маверикс го победи Торонто Репторс со резултат 111:110. Кошаркарите на Голден Стејт Вориорс беа поразени од Њу Орлеанс Пеликанс со 114:105, Лос Анџелес Лејкерс загубија од Јута Џез со 130:116, а Милвоки Бакс славеа во дуелот со Минесота Тимбервулфс со 115:102.
Лука Дончиќ проdолжи со неверојатната форма. Словенецот против Торонто забележа 35 поени со осум скока и шест асистенции.
Ова е осми последователен меч на кој Лука Дончиќ постигнува 30 или повеќе поени, а најмалку во оваа серија имаше против Оклахома, „само“ 31, а најмногу 44 постигна против Орландо.
Милвоки Бакс ја забележаа осмата победа и се единствениот тим со максимален учинок во лигата.
Јанис Адетокумбо забележа трипл-дабл со 26 поени, 14 скока и 11 асистенции, додека Џру Холидеј беше најефикасен поединец со 29 поени.
За разлика од Милвоки, бранителите на титулата Вориорс нижат порази. Вориорс од стартот на сезоната имаат три победи и седум порази.
Против Њу Орлеанс, Вориорс играа беа најдобрите: Стеф Кари, Клеј Томпсон, Дрејмонд Грин, Ендрју Вигинс…
Таквата ситуација ја искористија домашните кошаркари кои со 26. поени на Брендон Инграм остварија голема победа.
Во лоша ситуација се и Анџелес Лејкерс, имаат скор од две победи и шест порази.„Езерџиите“ се претпоследни на Западот.
На прагот на трипл-дабл беше Леброн Џејмс, кој постигна 17 поени со 10 скока и осум асистенции, додека Расел Вестбрук беше најефикасен со 26 поени, Ентони Дејвис имаше 22 поени и осум скока.
Што се однесува до Јута, 27 поени, 13 скока и 4 асистенции забележа Лаури Марканен, 20 поени постигна Кларксон, 18 Кели Олиник, 17 Колин Секстон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.