Спорт
Хјумланд го соопшти некомплетниот список на Данска за СП
Селекторот на данската фудбалска репрезентација Каспер Хјулманд го објави списокот со имињата на 21 играч за Светското првенство во Катар. Меѓу патниците е и Кристијан Ериксен.
Комплетниот список со дополнителни пет имиња, како што објасни на церемонијата во Копенхаген, ќе биде објавен најдоцна до следниот понеделник.
„Десет до 12 играчи се натпреваруваат за последните места. Многу нешта можат да се случат. Неизвесно е, но тоа е вистинскиот начин. Остануваат два натпревари за многу играчи и работите може да се променат“, рече Хјулманд.
Данската фудбалска репрезентација натпреварувањето во групата Д на Светското првенство ќе го почне на 22 ноември против Тунис, четири дена подоцна ќе игра против Франција, додека во последниот натпревар ќе ги одмери силите со Австралија на 30 ноември.
Ростерот на Данска за Светското првенство:
Голмани: Каспер Шмајхел (Ница) и Оливер Кристенсен (Херта);
Одбрана: Даниел Вас (Брондби), Расмус Нисен Кристенсен (Лидс), Јенс Стригер Ларсен (Трабзонспор), Јоаким Меле (Аталанта), Андреас Кристенсен (Барселона), Симон Кјер (Милан), Јоаким Андерсен (Кристал Палас), Виктор Нелсон ( Галатасарај);
Играчи од средниот ред: Пјер-Емил Хејбјерг (Тотенхем), Томас Дилејни (Севиља), Кристијан Ериксен (Манчестер Јунајтед), Матијас Јенсен (Брентфорд);
Напаѓачи: Микел Дамсгард (Брентфорд), Андреас Сков Олсен (Клуб Бриж), Јеспер Линдстром (Ајнтрахт), Мартин Брејтвејт (Силкеборг), Каспер Долберг (Севиља), Јонас Винд (Волфсбург), Андреас Корнелиус (Копенхаген).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Олимписките игри останаа без три големи спонзори
Јапонската компанија Бриџстоун во вторникот објави дека нема да го обнови спонзорскиот договор за Олимписките и Параолимписките игри кога ќе истече оваа година.
Инаку од претходно беше познато дека спонзорствата нема да ги обноват Тојота и Панасоник.
Бриџстоун е партнер на Олимписките игри од 2014 година.
На овој начин Интернационалниот олимписки комитет ќе остане без трите главни спонзори.
Тојота е единствената која јавно објави дека не е задоволна од начинот на кој ИОК ги распределува средствата добиени на име спонзорство и дека овие пари не се користат на најдобар начин за поддршка на спортистите и промоција на спортот.
Бриџстоун, како и Панасоник, не излезе во јавноста со слични изјави. Токму спротивното.
Бриџстоун најави дека станува збор за прераспределба и промена на стратегијата на брендот кој сака повеќе да се фокусира на мотоспортот.
Спорт
Легендата на литванската кошарка го презеде националниот тим
Римас Куртинаитис е назначен за нов селектор на машката кошаркарска репрезентација на Литванија, пренесува „Баскетњуз“.
Куртинаитис го замени Казис Максвитис на функцијата. Максвитис поднесе оставка во јули откако не успеа да се квалификува за Олимписките игри во Париз.
Куртинаитис (64) беше назначен за тренер на Сабах на почетокот на годината, а претходно ги водеше Волвс, Химки, Лиетувос Ритас, Канта, Рига, Сласк, Сакалаи, Урал и Гала Баку.
На клупата на Литванија ќе дебитира во ноември на натпреварите против Македонија во квалификациите за ЕП 2025 година.
Спорт
Сестрата на Роналдо за Касано: Не знам кој е тој бедник
Поранешниот играч на Рома, Милан, Интер и Реал Мадрид, Антонио Касано, познат по директните и контроверзни изјави, неодамна го критикуваше Кристијано Роналдо.
Португалецот е единствениот играч во историјата на фудбалот кој ја надминал бројката од 900 гола на официјални натпревари, но тоа не го спречи Касано да дојде до заклучок дека „Роналдо не знае да игра фудбал“.
Поранешниот италијански репрезентативец (42) гостуваше во подкастот на „Viva el Futbol“ и го коментираше Роналдо.
„Кристијано Роналдо не знае да игра фудбал, може да постигне 3000 голови, не ми е гајле… Игуаин, Агуеро, Бензема, Левандовски, Ибрахимовиќ и Суарез знаат како да играат со остатокот од тимот, а единствената занимација на Роналдо е да дава голови.“
Овие зборови на Касано наиде на негодување кај многумина, меѓу кои и сестрата на Роналдо, Елма Авеиро. Што мисли за Касано, а што за нејзиниот брат, откри на Инстаграм.
„Не го познавам тој бедник и не ми е гајле за него. Ми велат дека бил фудбалер, мислам дека грешат. Беше собирач на топки. Но, ќе ви кажам една работа. Ако Кристијано не знае да игра и постигна 900 гола, само замислете што би било кога би знаел да игра“, напиша таа.