Спорт
Надал и Циципас по првото место на Алкараз на АТП-финалето
Рафаел Надал и Стефанос Циципас може да го замент Карлос Алкараз на првото место на АТП-листата на крајот на 2022 година откако шпанскиот тинејџер мораше да се повлече од АТП-финалето во Торино поради повреда.
19-годишниот Алкараз стана светски број 1 на 12 септември по триумфот на САД опен крунисувајќи ја неверојатната сезона во која освои пет АТП-титули, но ги повреди стомачните мускули и нема да игра во Торино.
Неговиот поискусен и далеку попознат сонародник, Надал, кој веќе има 209 недели на првото место на АТП-листата, заостанува 1.000 поеени зад Алкараз и иако неодамна изјави дека нема да брка повторно да биде број 1, постојат две сценарија со кои може да ја заврши годината како број 1. Наједноставно, секако, е 36-годишниот ветеран првпат во кариерата да победи на турнирот во својот 11. настап, но и ако загуби во финалето со 4-1 скор, може да биде број 1, но само ако Стефанос Циципас не победи со 5-0 скор на турнирот.
Циципас, чиј најдобар пласман на АТП-листата е третото место, може да стане број 1 како 29. тенисер во историјата ако го повтори успехот од 2019 кога триумфира на турнирот, но без загубен меч.
Надал и Циципас не се во исти групи на турнирот, кој почнува в недела – Надал ќе се судри со Каспер Руд, Феликс Оже-Алијасим и Тејлор Фриц, а Циципас е во потешката група, со петкратниот шампион Новак Ѓоковиќ, Андреј Рубљов и Данил Медведев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мбапе и Камавинга го напуштија кампот на репрезентацијата
Француските фудбалери обезбедија пласман на Светското првенство едно коло пред крајот на квалификациите, откако остварија убедлив триумф од 4:0 над Украина.
Килијан Мбапе беше еден од најзаслужните за пласманот на „триколорите“ на Светското првенство, но во меѓувреме се здоби со лесна повреда.
Станува збор за воспаление на зглобот, а со оглед на тоа што визата за САД, Канада и Мексико е веќе обезбедена, нема потреба најдобриот играч на Франција да се изложува на ризик во натпреварот од последното коло од Групата Д со Азербејџан (недела, 18.00 часот).
26-годишникот веќе се врати во Мадрид, каде што ќе се одмори и ќе ја санира повредата пред да ги продолжи клупските обврски.
Заедно со Мбапе, во Мадрид се врати и Едуардо Камавинга, неговиот соиграч од Реал.
„Камавинга претрпе истегнување на тетивата на левата нога. Мбапе сè уште страда од воспаление на десниот глужд, што бара дополнителни тестови. Тие ќе бидат подложени на нови тестови денес во Мадрид“, се вели во соопштението на Француската фудбалска федерација.
Спорт
Пјастри: Односот со Норис никогаш не бил подобар
Ландо Норис и Оскар Пјастри водат голема борба за титулата во шампионатот во Формула 1.
Двајцата се возачи на Мекларен и тоа ја прави борбата уште поинтересна. Моментално, Норис има предност од 24 поени, а до крајот на шампионатот остануваат уште три трки.
Многумина мислат дека постои големо соперништво меѓу Норис и Пјастри надвор од патеката. Сепак, младиот Австралијанец го негираше тоа.
„Ландо и јас одлично се согласуваме. Мислам дека нашиот однос никогаш не бил подобар. Причината е едноставна. Три години сме клупски колеги и секој ден се запознаваме сè подобро и подобро“, рече Пјастри.
Следната трка во шампионатот е на 22 ноември, во Лас Вегас.
Спорт
Гатузо им се налути на навивачите
Селекторот на италијанската репрезентација, Џенаро Гатузо, остро одговори на критиките, бидејќи неговиот тим го скрши отпорот на Молдавија (0:2) во квалификациите за Светското првенство во финиошт с голови во 88-та и 93-та минута.
Додека резултатот сè уште беше 0:0 кон крајот на натпреварот, мала група италијански навивачи почна да протестира, скандирајќи им на играчите „да одат на работа“. Гатузо не се согласи со нивните критики, нагласувајќи дека тимот играл добро.
„Протестите на навивачите се срамота, жал ми е за она што го слушнав. Ова не е време да им кажуваме на играчите да одат на работа. Мора да останеме обединети бидејќи тимот се мачи на теренот, а да слушам 500 навивачи кои зборуваат секакви работи е нешто што не го прифаќам“, рече Гатузо.
Италија сè уште може, во теорија, да се квалификува за Светското првенство како победник во Група И. Тие се три бода зад Норвешка, нивниот следен и последен противник во групата, но ќе им треба многу убедлива победа (со разлика од девет гола) за да ја поништат гол-разликата. Затоа, „аѕурите“ ќе ја бараат својата шанса преку баражот.
Италијанската репрезентација последен пат учствуваше на Светското првенство во 2014 година. Ги пропушти турнирите во 2018 и 2022 година по тешките порази во плејофот од Шведска и Македонија.

