Спорт
Топ стрелци на СП: Од Гиљермо Стабиле до Хари Кејн
Низ историјата на светските првенства 29 фудбалери можат да се пофалат со титулата најдобар стрелец, на завршните турнири.
„Златната копачка“ најмногу пати ја освојувале Бразилците. Пет пати меѓу најдобрите стрелци на светските првенства имало бразилски репрезентативец, следуваат Гермнаците со три.
Најмногу голови на едно светско првенство постигнал легендарниот француски фудбалер Жист Фонтен. На СП во 1958 година тој успеал да постигне 13 гола на шест натпревари.
Најмногу голови, на еден мундијалски натпревар, постигнал рускиот репрезентативец Олег Саленко. На 28.јуни 1994 година, на СП во САД, Русија го победи Камерун со 6:1, а Саленко на тој натпревар постигна пет гола.
Најдобар стрелец на светските првенства е Германецот Мирослав Клосе. Овој напаѓач со Германија учествувал на четири мундијали (2002, 2006, 2010, 2014) и во кариерата постигнал 16 гола.
Најдобри стрелци на светските првенства:
1930 – Гиљермо Стабиле (Аргентина), 8
1934 – Олдич Неједли (Чехословачка), 5
1938 – Леонидас (Бразил), 8
1950 – Адемир (Бразил), 8
1954 – Шандор Кочиш (Унгарија), 11
1962 – Дражен Јерковиќ (Југославија), Гаринча (Бразил), Флоријан Алберт (Унгарија), Валентин Иванов (СССР), Леонел Санчез (Чиле), Вава (Бразил), 4
1966 – Еузебио (Португалија), 9
1970 – Герд Милер (Германија), 10
1974 – Гжегож Лато (Полска), 7
1978 – Марио Кемпес (Аргентина), 6
1982 – Паоло Роси (Италија), 6
1986 – Гери Линекер (Англија), 6
1990 – Салваторе Тото Скилачи (Италија), 6
1994 – Олег Саленко (Русија), Христо Стоичков (Бугарија), 6
1998 – Давор Шукер (Хрватска), 6
2002 – Роналдо (Бразил), 8
2006 – Мирослав Клосе (Германија), 5
2010 – Диего Форлан (Уругвај), Томас Милер (Германија), Весли Снајдер (Холандија), Давид Виља (Шпанија), 5
2014 – Хамес Родригез (Колумбија), 6
2018 – Хари Кејн (Англија), 6
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона го потпиша Бернал – Откупната клаузула е 500 милиони
Фудбалскиот клуб Барселона потврди дека Марк Бернал денеска потпишал нов договор. Тоа е последниот играч од средниот ред, роден во 2007 година, кој експлодираше летово за време на претсезоната со Ханси Флик, но за жал заработи тешка повреда на коленото поради која ќе отсуствува една година.
Барселона реши да му понуди нов договор, за да му покаже максимална самодоверба на долгиот пат на рехабилитација. Како што е потврдено во соопштението, Бернал потпишал договор до јуни 2026 година, но тој автоматски ќе биде продолжен до 2029 година кога ќе бидат исполнети одредени услови.
Исто така, Барселона постави недостижна откупна клаузула која ќе изнесува 500 милиони евра.
Спорт
Почина НБА легендата Дикембе Мутомбо
На 59-годишна возраст почина легендарниот кошаркар Дикембе Мутомбо.
Мутомбо почина по битка со тумор на мозокот. Иконскиот центар доминираше во НБА во текот на 90-тите и 2000-тите: тој беше четирикратен одбранбен играч на годината, осум пати Ол-стар, трипати член на првиот тим на лигата, вкупно втор на сите времиња.
Basketball Hall of Famer Dikembe Mutombo has passed away at 58 years old due to brain cancer. pic.twitter.com/taDWSFeCQE
— Shams Charania (@ShamsCharania) September 30, 2024
„Дикембе Мутомбо беше едноставно поголем од животот. На теренот тој беше еден од најдобрите блокатори и дефанзивци во историјата на НБА. Надвор од паркетот, тој се предаде да им помага на другите“, напиша комесарот на НБА, Адам Силвер во своето проштално писмо.
Мутомбо бил во брак со сопругата Роуз, со која имал три деца и со која посвоил четири деца од нејзините починати браќа. Кошаркарот роден во Конго кариерата ја започна во Денвер, а подоцна настапуваше за Атланта, Филаделфија, Њу Џерси, Њујорк и Хјустон.
Спорт
Алан Ширер не може да поверува како изгледа играта на Манчестер јунајтед
Легендарниот англиски фудбалер Алан Ширер никогаш не играл во Манчестер јунајтед, изгради блескава кариера во Саутемптон, Блекбурн и Њукасл, но не може да го гледа она што се случува со тимот од „Олд Трафорд“.
Еден од најдобрите напаѓачи на англиската репрезентација во историјата изјави дека играта на „црвените ѓаволи“ не постои, дека нивните натпревари се негледливи и дека играчите треба да покажат малку поголема одговорност.
„Што е ова? Дали некој знае што точно игра Манчестер јунајтед? Овој тим нема идеа, нема план и тоа што го игра е неспособно и очајно“, изјави Ширер по поразот на Манчестер јунајтед од Тотенхем (0:3).
„Играчите се тие кои треба да покажат многу поголема одговорност. Не можат секоја недела да се кријат зад тренерот Ерик тен Хаг и критиките упатени кон него. Неопходно е да се разбудат и да покажат дека заслужуваат да го носат дресот на овој клуб. Манчестер јунајтед е голем клуб, вакви работи не смеат да се случуваат“.
Манчестер јунајтед моментално ја зазема 12-та позиција на табелата во англиската Премиер лига, откако по шест кола освои само седум бода.