Европа
(Видео) Трае потрагата по исчезнати лица во свлечиштето во Италија, има повредени и загинати
На италијанскиот остров Искија се уште се трага по десетина исчезнати лица во лизгање на земјиштето во кое загина едно лице и за кое владата ќе се состане во текот на денот.
Свлечиште од кал и остатоци предизвикани од обилните дождови го погоди малото гратче Казамичиола Терме на северот од островот во близина на Неапол во саботата наутро.
Спасувачките екипи пронајдоа тело на жена, соопшти префектот на Неапол, Клаудио Паломба. Жената е идентификувана, имала 31 година, соопшти агенцијата АГИ. Според италијанскиот печат, во одронот се повредени тринаесет лица.
Некои луѓе кои првично беа пријавени како исчезнати на крајот беа пронајдени, вклучително и семејство со новороденче, рече префектот. НО ништо не се знаеше за десетина лица.
Се плашиме дека има повеќе жртви, но засега бројката е таква“, потврдил портпаролот на противпожарната служба Лука Цари.
Потрагата ја отежнува постојаниот дожд и силниот ветер, што го одложи траектот кој донесе помош од копното.
Поради лизгање на земјиштето, калта ги прекри улиците, урна дрвја, носејќи автомобили сè до морето. Се урна и една куќа, а две лица се спасени од автомобил кој бил исфрлен кон морето, соопштија пожарникарите.
Најмалку триесетина семејства не можат да ги напуштат домовите поради калта, каде што останаа без вода и струја, потврди новинската агенција АНСА, наведувајќи дека патот што води до таа населба е преплавен со кал и шут.
Спасувачките служби предвидоа евакуација на меѓу 150 и 200 луѓе во текот на ноќта од сабота до недела, а локалните власти ги повикаа жителите на островот да останат дома.
„Спасувачките операции се уште се комплицирани поради метеоролошките услови“, соопштија од Одделот за цивилна заштита, но потрагата продолжила во текот на ноќта благодарение на рефлекторите.
Премиерката Џорџија Мелони, која во твит напиша дека ја следи операцијата за потрага по исчезнатите, во недела треба да одржи вонредна владина седница посветена на кризата.
Казамичиола Терме, туристички град со 8.000 жители на островот Искија, во близина на Капри, беше погоден од земјотрес во 2017 година во кој загинаа две лица, а разорен земјотрес исто така го погоди градот на крајот на 19 век.
Катастрофата во саботата дојде неколку недели откако 11 лица загинаа во поплавите предизвикани од обилните дождови во централна и источна Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.