Свет
Најмалку 10 загинати во терористичкиот напад на хотел во Сомалија
Најмалку десет лица загинаа во терористички напад во хотел во близина на претседателската палата во Могадишу, главниот град на Сомалија, според полициските податоци. Меѓу жртвите има и две лица со двојно сомалиско-британско државјанство, изјави Мохамед Дахир од сомалиската полиција. Хотелот е популарно место за дружење владини претставници, а во нападот бил повреден сомалискиот министер за внатрешна безбедност, Ахмед Мохамед Дудише, соопшти полицијата.
Одговорноста за нападот ја презеде екстремистичката група Ал Шабаб, која е поврзана со Ал каеда и контролира голем дел од земјата наведувајќи во изјава за својата радиостаница дека блиската претседателска палата била цел на нападот.
Нападот се случи два дена по големата операција на сомалиската армија во центарот на земјата, во која беа убиени најмалку 100 члена на Ал Шабаб, меѓу кои и десет водачи, се вели во соопштението на вооружените сили. Во Сомалија беснее војна со децении, главно поради Ал Шабаб.
Претседателот Хасан Шеик Мохамуд, избран на функцијата на почетокот на годината, ја предводеше воената офанзива против групата Ал Шабаб. Сомалиската армија, со поддршка на вооружени кланови и цивили, во последните месеци беше успешна во борбата против Ал Шабаб и успеа да врати дел од територијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.