Спорт
Аргентина е огромен фаворит против Австралија, но од Саудијците доби лекција никого да не потценува
Репрезентациите на Аргентина и Австралија вечерва се соочат меѓусебе во второто осминафиналето на СП 2022. Натпреварот се игра на стадионот „Ахмед бин Али“ со почеток од 20 часот.
Аргентинците се меѓу големите фаворити за трофејот на турнирот кој им бега од 1986 година. Успешно ја надминаа групната фаза и денеска се надеваат дека ќе направат уште еден чекор кон трофејот. „Гаучосите“ доживеаја шокантен пораз од Саудиска Арабија со 1:2 во првиот натпревар на Светското првенство во Катар.
Сепак, следеа две победи со по 2:0 против Мексико и против Полска, со што го освоија првото место во групата Ц. Предводени од нивната суперѕвезда Лионел Меси, „гаучосите“ играат подобро со секој нареден натпревар и сега се сметаат за големи фаворити против денешниот ривал Австралија, но веќе знаат дека нема простор за потценување на овој шампионат.
Австралија дефинитивно е едно од пријатните изненадувања на овој Мундијал. Тие беа сметани како аутсајдери во групата Д, но сепак завршија на второто место за да го обезбедат само вториот настап во осминафиналето на турнирите, претходниот беше во 2006 година.
„Кенгурите“ стартуваа со тежок пораз (1:4) против актуелниот светски првак Франција. Сепак, тие потоа ја зацврстија одбраната и остварија тесни победи од 1:0 над Тунис и над Данска.
Во австралискиот тим нема големи ѕвезди, но тие ќе се потпрат на тимскиот дух за да можат да направат уште едно изненадување и да елиминираат еден од главните претенденти за шампионската титула на СП.
Победникот од ова осминафинале во следната фаза ќе се соочи со победникот од мечот меѓу Холандија и САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мурињо заработи жолт картон поради лаптопот
Фудбалерите на Фенербахче како гасти славеа над Аланија со 2:0. По овој натпревар Фенербагхче се вторио на табелата со 16 поени, три помалку од Галатасарај.
Натпреварот го обележа Жозе Мурињо кој смисли нов начин како да го испровоцира главниот судија и да добие жолт картон.
Во 78.минута, незадоволен од една судиска одлука, темпераментниот Португалец, пред една од камерите на лаптоп ја пушти според него спорната ситуација.
Главниот судија Џихан Ајдин, веднаш му покажа жолт картон.
Фенербахче победи со головите на Душан Тадиќ во 63. минута и Кевин Талисон (автогол) во 81. минута.
Jose Mourinho got booked for showing the TV Cameras the referee’s bad decision on his laptop pic.twitter.com/JLCKTsb0M7
— Troll Football (@TrollFootball) September 29, 2024
Спорт
(Видео) Лудница во дерби „Мадрилењо“ – Кореа во 95.минута не дозволи Реал да слави над Атлетико
Фудбалерите на Атлетико и Реал одиграа 1:1 во градското дерби во во осмото коло од шпанската Ла Лига.
Ниту еден од тимовите не го искористи на најдобар можен начин вчерашниот пораз на Барселона од Осасуна.
Актуелниот шампион сега е на втората позиција со 18 бодови, три помалку од Барса, додека Атлетико е трет со 16 бодови на своето конто.
Вечерва во „мадрилењо“ имаше бууквално се. Натпреварот се играше во високо темпо, Реал беше за нијанса поконкретен, но играчите на Карло Анчелоти сите добри шанси ги имаа кога шутираа надвор од шеснаесетникот. Атлетико добра шанса имаше во раната фаза од натпреварот, кога ударот на Алварез го одбрани Куртоа, а потоа во последните десетна минути домаќинот креираше неколку опасни акции.
Дербито за малку ќе го решеше Едер Милитао во 64. минута, со гол кој пристигна по акција од сомнително досуден слободен удар. Пет минути по постигнатиот гол судијата ги испрати играчите во соблекувалната.
Домашните навивачи паднаа на малата провокација од голмаот Куртоа (во кариерата има одиграно 111 натпревари за Атлетико). Тие фрлаа со запалки кон голманот на Реал.
Madrid derby suspended because Atletico Madrid fans were throwing objects at Courtoispic.twitter.com/BK0fhUQwif
— Total Football (@TotalFootbol) September 29, 2024
Делириум на „Сивитас Метрополитано“ предизвика голот на Анхел Кореа во 95.минута. Голот најпрвин беше поништен, но од ВАР собата потврдија дека Аргентинецот не бил во офсајд.
Кореа како и Милитао го постигна својот прв гол во градските пресметки. Интересно, ова е негов 55. гол во дресот на Атлетико, а кога тој бил стрелец „јорганџиите“ никога не загубиле натпревар.
На крајот во последниот напад на Реал црвен картон доби Маркос Љоренте поради грб старт врз Фран Гарсија.
Спорт
(Видео) Ѓоковиќ играше тенис на Кинескиот ѕид
Новак Ѓоковиќ одигра рекреативен меч на Кинескиот ѕид. Ѓоковиќ пристигна во Кина каде од следната недела ќе игра на Мастерсот во Шангај.
Локалните медиуми јавуваат дека Ѓоковиќ бил дел од настапот на Кинескиот ѕид како дел од промоцијата на брендот „Лакост“, чиј заштитно лице е. Во текот на денот Ѓоковиќ им се обрати на навивачите во Кина.
Nole playing tennis on the Great Wall of China 😍pic.twitter.com/Ttf9cF44IN
— ᖴᖇᗩᑎI (@frani2312) September 29, 2024
„По пет години сум во Кина, ми недостигавте. Многу, многу ми е жал што не се видовме на аеродром, ме однесоа на спореден излез, но се надевам дека ќе видам многу од вас или во Пекинг или во Шангај. Многу сум возбуден што сум овде во Кина, пред се поради вас кои ми пруживте неверојатна љубов сите овие години“, изјави Ѓоковиќ.
Мастерсот во Шангај ќе се игра од 2 до 13 октомври.
yibo couldn’t stop smiling when novak djokovic said that his match with him is the most unforgettable and he kept praising him 🥹🥹🫶🏻 pic.twitter.com/7nTmSH7NUA
— rach (@ybaizhan) September 29, 2024