Спорт
Бразил го почнува походот кон трофејот, прва пречка е Јужна Кореја
Еден од фаворитите за титулата на Светското првенство 2022 година, селекцијата на Бразил, вечерва (20 часот) го започнува своето учество во елиминациската фаза на турнирот. Првата пречка за „кариоките“ е Јужна Кореја.
Бразил загуби од Камерун со 0:1 во третото коло од групната фаза, но останува голем фаворит за трофејот во Катар. Тите им даде шанса на играчите кои претходно имаа мала минутажа на Светското првенство и не се претставија лошо, но не ги претворија во голови шансите што ги создадоа.
За жал на селекторот и петкратните светски шампиони, Алекс Телјес и Габриел Жесус заработија и нема да играат до крајот на Мундијалот. Неизвесен останува и настапот на големата ѕвезда на тимот Нејмар, а воедно и сестраниот дефанзивец Данило.
Проблеми има и во корејскиот табор, а тие се поврзани со централниот бек Ким Мин-Џае. Дефанзивецот на Наполи е неизвесен за вечерашниот дуел.
Јужна Кореја се пласираше во осминафиналето откако во последните минути ја совлада Португалија со 2:1 во третото коло од групната фаза.
Во групата против Уругвај, па дури и против Гана, јасно се виде дека Корејците не се на високо ниво и против можеби најсилниот состав во Катар ќе имаат сериозни проблеми.
Селесао не дозволи ни шут кон својот гол на првите два натпревари против Швајцарија и против Србија, што е показател за потенцијалот што го имаат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Итудис главен кандидат за нов тренер на КК Барселона
Кошаркарскиот клуб Барселона е во потрага по нов тренер, тврдат медиумите. Дебитантот Роџер Гримау не ги исполни очекувањата. Барселона не успеа да го освои националниот Куп, не успеа да се пласира на завршниот турнир во Евролигата, а во шампионатото имаат тешка задача да дојдат до титулата, бидејќи во полуфиналето ќе играат против најголемиот ривал Реал.
Како што пренесува грчкиот „Спорт24“, Барселона е во потрага по нов тренер, а најсериозен кандидат е Димитрис Итудис, кој е пет месеци без работа откако доби отказ во Фенербахче..
Грчкиот тренер има успешена кариера во Евролигата. Со тимот на ЦСКА двапати го освои најпрестижното европско клупско натпреварување во 2016 и 2019 година. Во Москва помина осум години, а во кариерата беше тренер на ПАОК, Филипос, МЕНТ, Банвит, Фенербахче, а беше селектор и на грчката репрезентација.
Итудис има богато евролигашко искуство, шест пати со своите тимови бил учесник на завршните турнири.
Спорт
Фиорентина и Олимпијакос вечерва играат за трофејот во Конференциската лига
Фудбалерите на Фиорентина и Олимпијакос од 21 часот, на стадионот „АЕК Арена“ во Атина ќе се борат за трофејот во Конференциската лига.
Фудбалерите на Фиорентина се осми на табелата во Серија А со 57 бодови, а до крајот на сезоната во италијанскиот шампионат ќе го одиграат уште натпреварот против Аталанта.
Без разлика на резултатот од дуелот со Аталанта, клубот од Фиренца ќе ја заврши сезоната на осмото место на табелата.
Фиорентина шести пат во историјата игра финале во европските купови. Во претходните пет, Виола освои еден трофеј.
Во 1957 година Фиорентина загуби од Реал Мадрид во финалето на тогашниот Куп на европските шампиони (0:2).
Клубот од Фиренца го освои Купот на победниците на куповите во 1961 година, со две победи на д Глазгов Ренџерс (2:0, 2:1).
Една година подоцна, Фиорентина беше поразена во финалето на КПК од Атлетико Мадрид.
Првиот дуел заврши без победник, 1:1, а во вториот Атлетико победи со 3:0.
Во 1990 година, играчите на Фиорентина имаа можност да го освојат Купот на УЕФА, но Јувентус беше подобар во двата натпревари (3:1, 0:0).
Фиорентина минатата сезона играше и во финалето на Конференциската лига, но Вест Хем го освои трофејот, победувајќи во финалето со 2:1.
Фудбалерите на Олимпијакос сезоната во грчката Суперлига ја завршија на третото место на табелата со 84 бодови. Тренер на тимот од Пиреја е Шпанецот Хозе Луис Мендилибар, кој лани со Севилја го освои трофејот во Лига Европа..
Клубот од Атина има славно минатото, но интересно прва пат ќе се бори за трофеј во европските купови. Олимпијакос 47 пати бил шампион на Грција, 28 го освоил Купот.
УЕФА го назначи Португалецот Артуро Диаш за главен судија, негови помошници ќе бидат Пауло Соареш и Педро Рибеиро.
Четврти судија е Швеѓанецот Глен Ниберг.
Во ВАР-собата ќе биде Португалецот Тиаго Мартинш, заедно со Германците Кристијан Дингерт и Марко Фриц.
Спорт
Белингем играч на сезоната во Ла Лига
Англичанецот од Реал Мадрид, Џуд Белингем (20) е прогласен за најдобар играч на шпанската Ла Лига минатата сезона, додека Мичел Санчез од Џирона ја доби наградата за тренер на годината.
Џуд Белингем пристигна во Реал, во јуни минатата година од Борусија Дортмунд за 103 милиони евра. Во првата сезона стана еден од клучните играчи на Реал Мадрид.
Младиот Англичанец сезонава постигна 23 гола и 12 асистенции на 41 натпревар, со што го предводеше Реал до 36-та титула во Ла Лига.
Оваа сабота Белингем и неговите соиграчи ќе ја бркаат својата 15-та титула европски првак.
„Би сакал да ја посветам оваа награда на моите соиграчи, стручниот штаб и што е најважно, на навивачите на најдобриот клуб во светот. Задоволство ми е секој пат кога играм за овој тим. Хала Мадрид”, изјави Белингам во видео пораката.
Белингам славеше со гласовите на навивачите, капитените на клубовите и стручната комисија пред соиграчот Винисиус, Антоан Гризман (Атлетико Мадрид), Артем Довбик (Џирона) и Роберт Левандовски (Барселона).
Наградата за најдобар тренер му припадна на Мичел Санчез, кој ја предводеше Џирона до третото место на табелата.
„Задоволен сум што ја добив оваа награда и сакам да ја примам во име на мојот персонал. Тие ме направија подобар, оваа награда е за нив и за клубот кој верува во проектот. Тие веруваат во идејата на играта, а не само во резултатите“, изјави 48-годишниот шпански стручњак.
Избран е и најдобриот млад играч на сезоната, а тоа е Ламине Јамал од Барселона.