Спорт
Аспиликуета: Чави сигурно ме разбира, Лондон е мојот дом
Шпанскиот репрезентативец Цезар Аспиликуета, во пресрет на осминафиналната пресметка со Мароко, откри зошто решил да остане во Челзи во текот на летото и покрај тоа што Барселона покажа сериозен интерес за него.
„Челзи имаше опција да ми го продолжи договорот на уште една година, но само доколку одиграм најмалку 30 натпревари во претходната сезона. Никогаш порано не сум бил слободен агент. Новите сопственици предводени од Тод Боли го купија клубот и јасно ставија до знаење дека сакаат да останам. Лондон е мојот дом, моите деца зборуваат англиски подобро од шпански. Верувам дека Чави ја сфати мојата одлука. Нема простор за недоразбирање ако ситуацијата е јасна“, изјави 33-годишникот.
Аспиликуета пристигна во Челси во 2012 година, кога „сините“ му платија на Марсеј седум милиони евра за неговите услуги. За време на престојот на „Стамфорд Бриџ“ двапати го освои трофејот во Премиер лигата, еднаш Лигата на шампионите, двапати Лигата на Европа и еднаш Светското клупско првенство.
Шпанецот досега 493 пати го има облечено дресот на Челзи, постигна 17 гола и запиша 54 асистенции. Пред почетокот на тековната сезона тој се согласи да ја продолжи соработката со лондонскиот клуб, новиот договор му истекува на крајот од сезоната 2023/24.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Тотенхем убедлив против Манчестер јунајтед на „Олд Трафорд“
Тотенехем убедливо го победи Манчестер јунајтед со 3:0 во претпоследниот натпревар од шестото коло во Премиер лигата. На „Олд Трафорд“, Тотенхем славеше со головите на Џонсон во првото и Кулушевски и Соланке во второто полувреме. Манчестер јунајтед од 42.минута играше со фудбалер помалку, директен црвен картон поради старт врз Медисон доби капитенот Бруно Фернандеш. Тотенхем по шест кола има десет, а Јунајтед седум бода.
Спорт
Гвардиола во Италија ја најде замената за Родри
Тренерот на Манчестер сити Пеп Гвардиола потврди дека сезоната е завршена за Родри (28). Фантастичниот играч за врска и еден од најдобрите фудбалери во светот ги скина предните вкрстени лигаменти на десното колено на премиерлигашкиот натпревар против Арсенал (2:2) одигран на 22 септември.
„Гардијан“ пишува дека Сити размислува да го доведе Самуеле Ричи (23) од Торино како замена за Родри. Станува збор за Италијанец способен да игра на неколку позиции во средниот ред.
Ричи е меѓу најголемите желби на Сити за зимскиот преоден рок. За да го доведат сопствениците на Манчестер сити ќе треба да платат околу 36 милиони евра, пишува „Гардијан“.
Спорт
(Видео) Погачар ја освои светската титула
Словенечкиот велосипедист Тадеј Погачар стана светски шампион, откако ја обезбеди титулата на шампионатот што се одржа во Цирих, Швајцарија.
Тој ја комплетираше „тројната круна“, бидејќи покрај оваа титула претходно беше победник на Тур Д’Франс и на Џиро Д’Италија.
Погачар оваа сезона собра вкупно 589 поени, што ја прави најдобра во историјата на велосипедизмот.
Досега најдобрите сезони, дури шест во периодот од 1969 до 1974 година, ги извезе Белгиецот Мерчк.
📊🇸🇮Pogačar 2024 is the best season in male pro-cycling ever according to @prestigelisten.
589 | 🇸🇮Pogačar’24*
585 | 🇧🇪Merckx’72
576 | 🇧🇪Merckx’73
548 | 🇧🇪Merckx’70
540 | 🇧🇪Merckx’71
511 | 🇧🇪Merckx’69
507 | 🇧🇪Merckx’74
440 | 🇮🇹Coppi’49
384 | 🇮🇪Roche’87— Cycling Statistics 📊 (@StatsOnCycling) September 29, 2024
Исто така, оваа година Погачар беше најбрз на престижните трки Лиеж-Бастоњ-Лиеж, Волта Каталуња и Страда Бјанка.
Словенецот славеше во Цирих со време од 6:27.30, што е за 34 секунди побрзо од второпласираниот Австралиец Бен О’Конор и бронзениот Метју ван дер Пол од Холандија.
Tadej Pogačar is World Champion 🤩🌈
Attacking with 100km to go, the Slovenian completes the triple crown of the Giro, Tour de France and Worlds in one season 👏#Zurich2024 pic.twitter.com/SkzXDXXNv9
— Eurosport (@eurosport) September 29, 2024