Спорт
Меси до Вегхорст: Што гледаш глупав еден
Лионел Меси беше нервозен и покрај тоа што неговата репрезентација успеа да ја добие драмата со Холандија и да се пласира во полуфиналето на Светското првенство.
„Гаучосите“, прокоцкаа предност од 2:0 против Холандија, но по подоброто изведување пенали ги скршија „лалињата“.
Меси запиша гол и асистенција, а сигурен беше и во пенал рулетот.
На Твитер се појави снимка од Меси како луто зборува со некого, во микс зоната, по завршувањето на натпреварот.
„Што гледаш глупав еден“.
Се претпоставува дека овие зборови се упатени кон стрелецот на двата гола за Холандија, Беиг Вегхорс.
Hasta nervioso se puso el colega, “tranquilo Leo”.
¿A quién cargaba Messi? pic.twitter.com/lyGRuvbyNJ
— mauricio pedroza (@mauriciopedroza) December 9, 2022
Најдобриот Аргентинец имаше замерки на судењето. Шпанецот Лахоз покажа 14 жолти картони (осум за Аргентина, шест за Холандија).
„Не можете да назначите таков судија за толку важен натпревар. Верувам дека ФИФА мора да се погрижи за тоа“, рече Меси.
Инаку, Меси, во текот на натпреварот го провоцираше холандскиот селектор Луј ван Гал. Кога го реализираше пеналот за 2:0, голот го прослави во стилот на Хуан Роман Рикелме, кого Ван Гал го избрка од Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јавно се извини поради поразот од Новак Ѓоковиќ – Французионот го анализираше мечот
Французинот Корентин Муте јавно им се извини на сите за поразот од Новак Ѓоковиќ во второто коло на Мастерсот во Рим со 2:0 (6:3, 6:1).
„Се извинувам за мојот настап вечерва. Посакувам да можев себеси и нему да му дадам подобра битка, но не го направив тоа. Ништо освен почит кон Новак, се разбира, за сето она што го постигна и она што го прави за играчите и тенисот. Ќе се обидам повторно да добијам шанса да играм против него“, напиша Муте.
Ѓоковиќ по дуелот се најде среде инцидент, кога шише го погоди во глава.
Новак потоа објави дека се работело за несреќен случај и дека се чувствува добро.
Спорт
Јунајтед сака трејд со Барселона – Бруно за Де Јонг
Бруно Фернандеш е еден од ретките фудбалери на Манчестер јунајтед кој го оправдува своето реноме на теренот. Капитенот не е сигурен дека ќе остане во клубот и наредната сезона.
„Очигледно некои работи не зависат само од мене, нели?“, изјави Бруно Фернандеш и со тоа јасно кажа дека има шанси да го напушти клубот на крајот од сезоната.
Англиските медиуми тврдат дека Бруно и е понуден на Барселона.
Имено, од Манчестер јунајтед се подготвени да го понудат Бруно Фернандеш како дел од трансферот во кој сакаат да го доведат Френки де Јонг од Барселона.
Во текот на целото лето 2022 година, раководството на Манчестер јунајтед се обидуваше да го доведе Холанѓанецот, но на крајот не успеа и на крајот го доведоа Касемиро за 70 милиони фунти.
Де Јонг потоа остана во Барселона, но наводно е на врвот на листата на желби на Сер Џим Ретклиф. Раководството на Манчестер јунајтед не сака да плати 77,5 милиони фунти за него, а тие се подготвени да го понудат Бруно Фернандеш.
Наводната понуда на Манчестер јунајтед до Барселона е 17 милиони фунти и Бруно Фернандеш за Де Јонг, а сега на потег е и раководството на клубот од Шпанија.
Спорт
(Видео) Денвер победи кај Минесота, Индијана славаше над Њујорк
Кошаркарите на Денвер Нагетс ја совладаа Минесота Тимбервулвс со 117:90 и намалија на 2-1 во полуфиналето на Западната конференција.
Нагетс одговорија шампионски по шлаканиците што го добија во првите два натпревари пред своите навивачи во Минеаполис максимално се вратија во серијата.
Јокиќ го заврши натпреварот со 24 поени, 14 скока, девет асистенции, три украдени топки и три блокади.
Џамал Мареј беше одличен со 24 поени и пет асистенции, Мајкл Портер постигна 21, Арон Гордон 13, од кои три тројки на стартот на третиот период, а Кентавијус Колдвел-Поуп 12 поени.
Во поразениот тим Едвардс постигна 19 поени, Таунс 14, а Конли и МекДаниелс по 10 поени.
Следниот натпревар се игра ноќта меѓу недела и понеделник од 02.00 часот.
Кошаркарите на Индијана Пејсерс ги совладаа Њујорк Никс со 111:106, во третиот натпревар од четвртфиналето на НБА плеј-офот.
Пејсерси го намалија резултатот во серијата на 2:1 на домашен терен, Њујорк претходно победи во двата меча на домашен терен.
Тајрис Халибартон го предводеше домашниот тим до победата со 35 поени со четири скока и седум асистенции, а го следеше Паскал Сијакам со 26 поени и седум скока.
Двоцифрен беше и Мајлс Тарнер кој успеа да оствари дабл-дабл учинок, односно 21 поен со 10 скока.
Кај Никс се истакна Донте Дивиченцо со 35 поени со три скока и две асистенции, а го следеше Џејлен Бренсон со 26 поени и шест асистенции.
Следниот дуел е закажан за в недела од 21 часот и 30 минути.