Спорт
Уругвај ќе биде новиот дом на стадионот „974“

Стадионот „974“ на кој се играа натпревари на Светското првенство во Катар, дефинитивно е минато во оваа земја. На овој стадион се одиграа седум натпревари. ФИФА реши Уругвај да биде новиот дом на овој уникатен стадион.
Познато е дека стадионот „974“ е монтажен, направен од 974 контејнери, па така и го добил името. ФИФА заедно со Катар, претходно одлучи да го донира стадионот.
Изборот падна на Уругвај, а многумина сметаат дека со овој потег ФИФА „навива“ Уругвај, Чиле, Аргентина и Парагвај да ја добијат заедничка кандидатура за Светското првенство во 2030 година. Во 2030 година ќе се обележи 100. годишнината од првото СП одржано во Уругвај.
The 974 Stadium in Doha is almost completely dismantled afterhosting the match between Brazil and South Korea on Monday. 💔🏟 pic.twitter.com/qHr3cVEGqK
— Football Factly (@FootballFactly) December 9, 2022
Покрај осминафиналето меѓу Бразил и Јужна Кореја (4:1), на овој стадион се одиграа и шест натпревари од групната фаза на овогодинешното Светско првенство.
Првиот натпревар беше дуелот меѓу Мексико и Полска (0:0), потоа Португалија – Гана (3:2), Франција – Данска (2:1), Бразил – Швајцарија (1:0), Полска – Аргентина (0: 2) и Србија и Швајцарија (2:3).
Стадионот „974“ имаше генерална проба за Светското првенство во 2021 година, кога таму се одиграа шест натпревари од ФИФА Арапскиот куп.
Стадионот има капацитет од 40.000 седишта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Косово победи во Шведска

Фудбалската репрезентација на Косово направи голем чекор кон освојување на второто место во Б групата и пласман во баражот за Светското првенство. Косово, во Гетеборг ја победи Шведска со 1:0.
Со оваа победа, Косово стигна до седмиот бод, што е само три помалку од Швајцарија, која е на првото место со десет бода на две кола до крајот на квалификациите.
Единствениот стрелец на натпреварот беше Фисник Аслани во 32-та минута од натпреварот.
Косово, во наредната рунда ќе игра против Словенија во Љубљана, додека Шведска ќе игра против Швајцарија.
Во истата група, Словенија одигра уште еден натпревар без голови и со тоа се оддалечи од првите две места.
Од друга страна, Швајцарија може да биде задоволна од овој бод, бидејќи сè уште е на водечката позиција со три бода повеќе од Косово.
Подобар резултат не можеше да се очекува во Љубљана, бидејќи во текот на сите 90 минути не видовме ниту еден удар кон голот.
Foto/ EPA
Спорт
Милевски призна дека згрешил со формацијата и почетниот состав

Фудбалската репрезентација на Македонија и го препушти првото место на Белгија во квалификациската група Ј, за пласман на Светското првенство, откако одигра скромни 1:1 со Казахстан во Скопје.
Македонија е втора во групата со бод помалку од Белгија и три бода повеќе од Велс, но овие две селекции имаат натпревар помалку. Со оглед на распоредот што го има Белгија јасно е дека тие први ќе ја минат целта, додека Македоноја, во ноември, во Велс, во директен дуел со домаќинот ќе се бори за место во баражот.
Првото полувреме Македонија го одигра лошо и тој период го одреди понатамошниот тек од натпреварот.
Селекторот Благоја Милевски ја призна грешката, рече дека направил грешка со почетниот состав. Во неговата омилена формација 3-5-2, играше Рисотвски и Миовски.
„Влеговме малку нервозно во натпреварот, можеби и малку се почувствува заморот, но, сепак, сакам да им честитам на фудбалерите за се што дадоа на овие два меча против Белгија и вечерва против Казахстан. Со изданието во вториот дел, поблиску бевме до победа, меѓутоа не успеавме. Ако сега ме прашувате, на стартот немаше да играм со таа формација. Потоа направивме промени на полувремето и во вториот дел делувавме многу подобро“, изјави Благоја Милевски на прес-конференција.
Фото/ Фудбалска федерација на Македонија
Спорт
(Видео) Зеленортските острови прв пат во историјата ќе играат на СП

Фудбалерите на Зеленортските острови го победија Есватини со 3:0 и се квалификуваа за Светското првенство во 2026 година.
Оваа репрезентација ќе учествува на Светското првенство за прв пат во историјата. Оваа нација брои околу 550.000 жители, испиша историја бидејќи според површината е најмалата држава што некогаш играла на Мундијал.
Без никакви проблеми, Зеленорстдките островија потврдија улогата на фаворит во овој натпревар и обезбеди билет за ова натпреварување пред полни трибини.
Головите во триумфот ги постигнаа Роча Ливраменто, Семедо и Стопира.
Look what it means to Cape Verde after they qualified for the 2026 World Cup. 🥹🇨🇻 pic.twitter.com/LudDyNmjB2
— EuroFoot (@eurofootcom) October 13, 2025
Cape Verde 🇨🇻 has qualified to the 2026 World Cup, incredible.
A country with a population of roughly 500K people.
I know there are a lot of negatives with expanding the World Cup but this is one of the positives.Congrats to 🇨🇻, see you in the 🇺🇸
pic.twitter.com/8FMbRg0bjX— Tactical Manager (@ManagerTactical) October 13, 2025
Во истата група, Камерун ремизираше со Ангола и сега ги чека резултатите од другите натпревари, за да знае дали ќе се квалификува за Светското првенство како една од четирите најдобри второпласирани селекции.