Македонија
(Видео) Коцевски: Спасовски со свој потпис го назначил командирот Аме, кој издржал затвор за шверцување
„Оливер Спасовски на командирска позиција во РЦ Запад, на ГП Блато, назначил осудено лице што веќе лежело затвор за шверцување и злоупотреба на службената положба. Оливер Спасовски, наместо да се извини и да го разреши Бесфор Аме, осуден криминалец со издржан затвор, тој го штити. Вчера, објавивме дека со потпис на Спасовски, Бесфор Аме, дел од аферата ‘Милка’, кој како полициски службеник овозможил шверцување стока од Македонија во Албанија, е назначен на командирска позиција во РЦ Запад, ГП Блато. A Оливер Спасовски, наместо да го разреши и самиот да понесе одговорност, се крие зад соопштенија“, рече на денешната прес-конференција Зоран Коцевски, пратеник од ВМРО-ДПМНЕ.
Коцевски вели дека „сегашниот командир на ГП Блато, Бесфор Аме, во 2013 година на граничен премин во оперативна акција е документиран, а потоа и обвинет и притворен, за на крајот и осуден со казна затвор за шверцување и злоупотреба на службената положба и овластувањето“.
„Бесфор Аме е правосилно осуден и издржал и 3 и пол години затвор затоа што како полициски службеник бил дел од аферата ‘Милка’, во која полициските службеници зеле по 3,5 евра од килограм добиток за шверц преку граница од Македонија во Албанија“ вели тој.
Од опозицијата бараат „Спасовски да каже дали Бесфор Аме е назначен за командир на ГП Блато за да може да продолжи со прекуграничен криминал?“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Возачот не е повреден а заглавениот камион е извлечен, соопшти ЦУК
Возачот на камионот не е повреден и нема никакви посериозни штети направено на камионот, информира ЦУК откако претходно беше објавено дека преку единствениот повикувачки број за итни случаи 112 во ЦУК била добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Конкретно, заглавениот камион на патот кај Росоман кон Прилеп, на место викано „Камен Дол“ близу кај ресторанот „Јавор“ е извлечен од страна на ТППЕ Кавадарци со екипа од три пожарникари и две ПП возила. Камионот бил заглавен и во кал со предните две тркала“, велат надлежните.
Македонија
ЦУК: Заробен возач во заглавен камион на патот меѓу Росоман и Прилеп
Преку единствениот повикувачки број за итни случаи 112 во ЦУК е добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Пријавителот побара интервенција на ТППЕ Кавадарци, бидејќи според него, како очевидец кажува дека возачот на камионот е заробен во камионот. Инаку, јавувачот беше известен дека ТППЕ Кавадарци имаат екипа подолу од нивната локација и дека веднаш ќе се упатат на местото.
Регионалниот ЦУК Велес го следи случајот и извести дека екипа од ТППЕ со 1 ПП возило и 2 пожарникари веќе се упатени на местото на настанот и кога ќе завршат со интервенцијата, дополнително ќе не известат“, информира Центарот за управување со кризи.
Македонија
ЦУК: Падна карпа на булеварот „Никола Карев“ после влезот на касарната „Илинден“, во Скопје
Преку единственствениот повикувачки број за итни случаи 112 во ЦУК била добиена пријава за падната карпа на булеварот „Никола Карев“ после влезот на Касарна „Илинден“, во Скопје.
„Регионалниот ЦУК Скопје известува дека веднаш ги информирале надлежните од Град Скопје за итниот случај, по што ќе превземе мерки Градот преку своите служби“, соопштија од центарот.