Спорт
Гвардиола без 11 играчи против Ливерпул
Тренерот на Манчестер сити, Пеп Гвардиола, се соочува со големи кадровски проблеми, во пресрет на мечот со Ливерпул во Лига купот. Сити, вечерва ќе ги пречека „црвените“.
Гвардиола, најверојатно нема да може да смета на 11 играчи. Во тимот најверојатно нема да има играчи кои неодамна се вратија од Катар: Едерсон, Лапорт, Дијас, Кансело, Бернардо Силва, Алварез, Вокер, Стоунс, Филипс, Фоден и Грилиш.
Се очекува нападот да го предводи Ерлинг Холанд, кој тренираше со остатокот од тимот бидејќи неговата репрезентација не учествуваше на Светското првенство.
Ливерпул на овој меч ќе биде само без Ван Дијк и голманот Алисон, а нападот треба да го предводи Мо Салах.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши ЕП за Филип Костиќ
Репрезентативецот на Србија, Филип Костиќ го заврши учеството на Европското првенство поради повреда на коленото, тврдат медиумите во оваа земја.
Костиќ се повреди против Англија, натпреварот го заврши во 41.минута. Реакцијата на фудбалерот откако беше заменет говори дека повредата не е наивна.
Костиќ со солзи во очите го напушти теренот.
„Во понеделник ќе оди на сминање. Можеби е посериозно повреден. Чувствуваше болка во надворешниот дел на коленото“, рече по завршувањето на мечот со Англија, српскиот селектор Драган Стојковиќ.
Спорт
Тен Хаг: Саутгејт лошо го постави мечот со Србија
Менаџерот на Манчестер јунајтед, Ерик тен Хаг, за една холандска телевизија направи анализа на натпреварот Англија-Србија. Англичаните не играа добро но сепак победија со 1:0.
„Во првото полувреме уживав само во играта на Белингем. Ја водеше Англија, играше на повисоко ниво од останатите играчи. Англичаните играа многу пасивно. Константно се враќаа назад ѝ дозволија на Србија да напаѓа“, рече Тен Хаг.
После тоа, човекот кој ќе остане на „Олд Трафорд“ и следната сезона го критикиваше англискиот селектор, Герет Саутгејт за начинот на на кој го подготвил натпреварот. Саутгејт.
„Англичаните поведоа со 1:0, а потоа Саутгејт реши да се коцка затоа што не напаѓаше, туку и дозволи на Србија да ја контролира играта, а во нападот ако се укаже шанса да направи нешто тогаш во ред, ако не никому ништо“.
Спорт
Крај на сагата, Хезоња останува во Реал
Капитенот на кошаркарската репрезентација на Хрватска, Марио Хезоња останува член на Реал Мадрид.
Главна вест на водечкиот шпански спортски медиуми „Марка“, среде Европското првенство во фудбал етрансферот на Хезоња. Според овој извор тој решил да го продолжи договорот со Реал Мадрид.
Тоа значи дека сагата конечно заврши и дека Хезоња нема да ги засили Барселона, Панатинаикос или Партизан и нема да се обиде повторно во НБА лигата.
На Барселона не и се допадна неговото однесување, односно неговите изјави по освојувањето на шампионската титула во Шпанија, поради што „клупските челници го искинале договорот со Хезоња.
Како и да е, хрватскиот репрезентативец сакаше се да реши пред почетокот на квалификациите за Олимписките игри и успеа во тоа.
Што се однесува до Барселона, тие го решија горливиот проблем со ангажманот на капитенот на Партизан, Кевин Пантер.