Спорт
Ал-Наср веќе закажале лекарски прегледи за Роналдо!
![](https://makfax.com.mk/wp-content/uploads/2022/12/FkkZZ_NXoAApLSs-e1672079079964.jpg)
Саудискиот клуб Ал-Наср е толку сигурен дека веќе го има потписот на Кристијано Роналдо што веќе закажале лекарски прегледи пред трансферот во јануарскиот преоден рок, тврди „Си-Би-Ес“.
Богатиот клуб од Блискиот Исток стана фаворит за потписот на Роналдо, откако тој го раскина договорот со Манчестер јунајтед пред Светското првенств во Катар, додека неговиот агент Жорге Мендеш не успеа да најде европски клуб кој учествува во Лигата на шампионите за 37-годишниот Португалец. Според изворите на „Си-Би-Ес“, Роналдо има понуда за седумгодишен договор вреден 75 милиони долари по сезона, односно тој би земал неделна плата од милион долари.
Тие веќе им букирале сместување на Роналдо и неговите советници и се верува дека основните услови на договорот се веќе усогласени и дека се чека само конечната одлука наа Роналдо.
Доколку стави потпис на договорот, тој покрај високата плата ќе биде и амбасадор на Саудиска Арабија во кандидатурата за Светското првенство во 2030 година, а му се ветува и улога во водењето на клубот, со именување на тренер по негова желба ако тоа го посака. „Си-Би-Ес“ исто така тврди дека Ал-Наср исто така се заинтересирани за трансферот на Н’Голо Канте, францускиот репрезентативец чиј договор со Челси завршува на крајот на сезоната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.