Спорт
Олимпијакос во фуриозна форма, Звезда за малку ќе пропуштеше сигурен триумф во Шпанија
Олимпијакос ја забележа и 11-тата победа во 17-тото коло на Евролигата, доминирајќи над Армани Милано за 82:66 победа, прекинувајќи ја добрата серија на италијанскиот клуб на три победи.
Грчкиот клуб направи голема предност уште во првата четвртина, која ја добија со 27:15, за на полувреме да одат со предност од 44:38. Алек Питерс со 16 поени беше најдобар за Олимпијакос, додека Томас Вокап додаде 10, а кај Италијанците, Били Берон имаше 12 поени.
Пред дуелот со МЗТ Скопје во АБА-лигата, најсилниот регионален клуб, Црвена звезда стигна до драматична 75:77 победа на гости кај Валенсија. Звезда почна одлично, и иако шпанскиот клуб успеа да се врати до третата четвртина, во поголемиот дел од последните 10 минути во водство беше Звезда, за да стигнат до 72:63 водство. Валенсија одговори со тројка и со нови два поени, за во драматична завршница, домаќините да го утнат обидот за израмнување и приморување продолженија.
ЕВРОЛИГА, 17.КОЛО
Анадолу Ефес – Асвел Лион 78:72 (17:19, 12:17, 23:22, 26:14)
Олимпијакос – Олимпија Милано 82:66 (27:15, 17:23, 15:6, 23:22)
Валенсија – Црвена звезда 75:77 (19:24, 23:23, 16:14, 17:16)
Реал Мадрид – Макаби Тел Авив 98:65 (22:7, 29:27, 27:15,20:16)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитирјевиќ замина од УНИКС, следна станица Милано
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.