Свет
Почина Адам Рич, холивудскиот актер бил пронајден во неговиот стан
Адам Рич, кој глумеше во големиот хит „Eight is Enough“, почина на 55-годишна возраст, дознава „TMZ“.
Член на семејството изјави за „TMZ“ дека Адам починал во својот дом во Лос Анџелес во саботата. Тој не сакаше да ја открие причината за смртта на Рич, но полициски извор за „TMZ“ изјави дека некој дошол во неговата куќа и го нашол мртов. Тој извор сепак додал дека немало ништо сомнително во смртта на Рич.
Адам го играше најмладиот син на Николас Бредфорд во популарната серија „Eight is Enough“. Серијата се емитуваше од 1977-1981 година.
Глумеше и во „Љубовниот брод“ од 1979 година.
На листата на 100-те најголеми детски ѕвезди на VH1, тој беше рангиран на 73-то место.
Тој се повлече од шоу-бизнисот во 1980-тите, бидејќи, како што рече тогаш, не му се допаѓаат рефлекторите или што било поврзано со познатите личности.
Адам бил зависник од наркотици, што резултирало со негово апсење во 1991 година, откако го скршил прозорецот на една аптека во обид да дојде до дрога.
Неговото мото, според „TMZ“, било: „Животот е за живеење, а јас го живеам мојот живот во потполност секој ден“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Жесток напад на Бејрут
ИДФ потврди дека штотуку извршила насочен воздушен напад врз Бејрут.
The Israel Defense Force has announced that a Targeted Strike, likely on a Senior Hezbollah Leader, was carried out against Beirut. pic.twitter.com/Rrz79C4iNQ
— OSINTdefender (@sentdefender) September 24, 2024
Либанското Министерство за здравство потврди дека од понеделникот во израелските напади загинале 558 луѓе. Според министерот за здравство, Фирас Абијад, меѓу жртвите има и 50 деца.
Во најновиот извештај за последиците од израелските напади во понеделникот, либанскиот министер за здравство, Фирас Абијад, рече дека 1.835 лица се повредени во нападите. Тој додаде дека медицинскиот персонал работел „над нивните можности за да се грижи за сите пациенти“.
Свет
Либанското Министерство за здравство: 558 загинати, меѓу кои 50 деца
Либанското Министерство за здравство потврди дека од понеделникот во израелските напади загинале 558 луѓе. Меѓу жртвите, според министерот за здравство, Фирас Абиад, има 50 деца.
Понеделникот беше најсмртоносниот ден во Либан од крајот на граѓанската војна во 1990 година, што дополнително го нагласи разорното влијание на сегашното насилство во регионот.
Нападите предизвикаа широкораспространето уништување, бројот на жртви продолжува да расте, а многу цивили се погодени.
Свет
Жена во стомакот прошверцувала 850 грама кокаин: фатена на аеродром во Јоханесбург
Една жена е обвинета за шверц на дрога кога рендгенските снимки откриле десетици капсули во нејзиниот стомак за кои полицијата верува дека се полни со кокаин, пренесува „Скај њуз“.
Кога полицијата добила дојава дека жена се обидува да прошверцува дрога на лет од Сао Пауло, 30-годишната патничка од Намибија била запрена и уапсена на меѓународниот аеродром во Јоханесбург.
Таа е десеттото лице што е уапсено на аеродромот во изминатите два месеца под сомнение за шверц на дрога, соопштија полициски претставници, додавајќи дека минатата недела е уапсен Нигериец, кој се соочува со слични обвиненија.