Свет
(Видео) Евакуирани илјадници луѓе поради невремето во Калифорнија, меѓу познатите се принцот Хари и Меган

Последната во серијата разорни бури, во кои загинаа најмалку 12 луѓе, вчера ја погоди Калифорнија принудувајќи евакуација на речиси 25.000 луѓе, вклучувајќи ги и целиот град Монтесито и блиските крајбрежни области на Санта Барбара, поради зголемениот ризик од поплави и лизгање на земјиштето, пренесува „Ројтерс“.
Шерифот на округот Санта Барбара, Бил Браун, рече дека наредбата за евакуација се заснова на постојано обилни врнежи, без индикации дека тие се менуваат пред вечерта.
Шефот на пожарникарите во Монтесито, Кевин Тејлор, изјави дека за 12 часа наврнало дожд значително повеќе од очекуваното.
Montecito creek is raging but holding on. Video from @JohnPalminteri #storm pic.twitter.com/V4Ny1jgJ25
— Alys Martinez (@AlysMartinezTV) January 9, 2023
Речиси 9.000 жители на Монтесито, од кои многумина поседуваат раскошни вили во живописниот град, вклучуваат познати личности, како водителката Опра Винфри и британскиот принц Хари и неговата сопруга Меган, објави „Ројтерс“.
If you do not have to drive, don’t! Please see SBC channel 20 for important info. See https://t.co/CDmCEkPncQ for emergency alerts, shelter in place/evacuation orders, info line, interactive map, and shelters. The rain is not over! Pay attention to alerts and social media. pic.twitter.com/x86gLxRKMO
— Scott Safechuck (@SBCFireInfo) January 10, 2023
По должината на брегот издадени се наредби за евакуација на приближно 32.000 луѓе во округот Санта Круз поради надојдените реки и потоци.
Голем дел од Калифорнија е погоден од серија силно невреме со многу силен дожд, силен ветер и налети.
Boy swept away, Montecito evacuated in California storms https://t.co/A9Vo4FmAES
— KOAT.com (@koat7news) January 10, 2023
Американскиот претседател Џозеф Бајден го одобри прогласувањето на вонредна состојба во Калифорнија по невремето во кое загинаа најмалку 12 лица во изминатите 10 дена, а стотици илјади домови и бизниси оставија без струја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Пристигнуваат реакции од целиот свет по израелскиот напад врз Иран

Израел започна напади врз Иран во петокот, насочени кон нуклеарни постројки, фабрики за ракети и воени команданти, а иранските медиуми и сведоци известуваат за експлозии, вклучително и во главниот објект за збогатување ураниум во земјата.
Врховниот лидер на Иран, ајатолахот Али Хамнеи: „Ционистичкиот режим денес во зори изврши злосторство во нашата сакана земја со своите сатански, крвави раце. Тој режим треба да очекува строга казна. Со Божја милост, моќната рака на вооружените сили на Исламската Република нема да ги остави неказнети. Со ова злосторство, ционистичкиот режим си подготви горчлива, болна судбина.“
Австралиската министерка за надворешни работи Пени Вонг: „Австралија е вознемирена од ескалацијата меѓу Израел и Иран. Тоа ризикува дополнително да го дестабилизира веќе нестабилниот регион. Ги повикуваме сите страни да се воздржат од дејствија и реторика што дополнително ќе ги влошат тензиите. Сите разбираме дека заканата што ја претставуваат нуклеарните и балистичките ракетни програми на Иран претставува закана за меѓународниот мир и безбедност и ги повикуваме сите страни да дадат приоритет на дијалогот и дипломатијата.“
Премиерот на Нов Зеланд, Кристофер Луксон: „Ова е навистина непожелен развој на настаните на Блискиот Исток. Ризикот од погрешна пресметка е висок. На регионот не му се потребни понатамошни воени дејствија и ризиците што доаѓаат со тоа.“
Портпарол на генералниот секретар на ОН, Антонио Гутереш: „Генералниот секретар ја осудува секоја воена ескалација на Блискиот Исток. Тој е особено загрижен за нападите на Израел врз нуклеарните инсталации во Иран, додека се водат разговори меѓу Иран и САД за статусот на нуклеарната програма на Иран. Генералниот секретар ги замолува двете страни да покажат максимална воздржаност, избегнувајќи по секоја цена да влезат во подлабок конфликт, што регионот тешко може да си го дозволи.“
Министерство за надворешни работи на Саудиска Арабија: „Саудиска Арабија ја изразува својата силна осуда на очигледната израелска агресија против братската Исламска Република Иран, која го поткопува нејзиниот суверенитет и безбедност и претставува јасно кршење на меѓународните закони и норми.“
Свет
Израелски претседател: Го нападнавме Иран поради егзистенцијална закана

Израелскиот претседател Исак Херцог се огласи на платформата Икс во врска со ноќниот напад врз Иран, велејќи дека тоа била насочена операција започната за одбрана од „непосредна и егзистенцијална закана“ за израелскиот народ.
„Меѓународната заедница беше сведок како иранскиот режим – на чело на глобалната империја на терор – продолжи да го радикализира и дестабилизира регионот преку своите сојузници во текот на изминатите децении, додека неуморно ги развиваше своите воени нуклеарни капацитети и го прошируваше својот арсенал со балистички ракети“, напиша Херцог.
Last night, Israel launched a targeted operation to neutralize an immediate and existential threat to our people.
The international community has seen how over the last decades, the Iranian regime—at the helm of a global terror empire—has continued to radicalize and destabilize…
— יצחק הרצוג Isaac Herzog (@Isaac_Herzog) June 13, 2025
Тој рече дека иранските лидери отворено ја изразиле својата намера да ја уништат Државата Израел со години и додаде дека режимот „систематски се подготвува да ја претвори таа визија во реалност“.
„Се надевам дека ова ќе го води регионот кон помирна иднина“
„Израел има природно право и должност да се брани – и секогаш ќе го прави тоа решително и јасно“, нагласи израелскиот претседател.
Тој заклучи изразувајќи надеж дека оваа операција ќе го промени текот на настаните на Блискиот Исток и ќе го води регионот кон „помирна и просперитетна иднина“.
Свет
Израел: Иран лансираше повеќе од 100 дронови кон нас

Портпаролот на израелската војска, Ефи Дефрин, изјави дека Иран лансирал повеќе од 100 беспилотни летала кон Израел во последните часови, откако Техеран се закани со одмазда за израелските напади.
Во исто време, беше потврдено дека околу 200 израелски борбени авиони учествувале во ноќните напади врз повеќе од 100 цели во Иран.
„Се соочуваме со тешки времиња“
Дефрин рече дека сите системи за воздушна одбрана биле активирани за да ги пресретнат заканите што доаѓаат од Иран.
„Ова е различен настан од сè што сме доживеале претходно и нè очекуваат тешки времиња. Мора да покажеме отпорност и трпение“, рече Дефрин.
Израел изврши голем воздушен напад врз повеќе цели во Иран како дел од операцијата.