Европа
Песков: Западот ја „пумпа“ Украина со оружје а неговите резерви се исцрпуваат
Портпаролот на Кремљ, Дмитриј Песков, за новинарите на ТАСС изјави дека Западот е подготвен да продолжи да обезбедува оружје за Украина, иако залихите на оружје на тие земји се при крај.
„Досега видовме дека западните земји, на чело со САД, покажаа подготвеност да продолжат да одвојуваат пари и да ја пумпаат Украина со оружје. Во исто време, гледаме и одредени проблеми со воено-индустрискиот комплекс на овие земји.
Нивните резерви на оружје и муниција се исцрпени. Ние продолжуваме да ги следиме нивните изјави дека и покрај сите тешкотии, тие ќе продолжат да и помагаат на Украина“, одговори Песков за ТАСС.
Тој рече дека има луѓе на Запад кои почнале да се прашуваат дали Киев ефективно ја потрошил финансиската помош од западните земји.
„Постојат заинтересирани страни кои би сакале да ја знаат ефективноста на трошењето чудесни суми за Украина. Знаете дека Украина страда од болести, а мислам на корупција. Протокот на овие пари очигледно ги надминува очекуваните граници и се повеќе луѓе во Западот го разбираат ова, овие пари ќе продолжат да течат и тој проблем ќе биде неизбежен за западните земји“, рече Песков.
На прашањето дали таквите податоци може да се сметаат за дополнителен доказ дека меѓународната војна против Русија е во тек, Песков одговори: „Ако сакате, можете“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.