Црна хроника
Скопјанка физички нападната и ограбена од сограѓанка и двајца помагачи
Скопјанка е нападната и ограбена од тричлена група од која најагресивно било женско лице и притоа и’ се украдени мобилни телефони и 1.200 денари
Разбојништвото се одиграло во средата, околу 17,30 часот во Скопје на бул.„3-та Македонска Бригада“, поточно на пругата кај преминот од населбата Кисела Вода кон средното училиште Димитар Влахов“, кога три засега непознати лица, две машки и едно женско лице, извршиле разбојништво над 64-годишната Н.В. од Скопје.
Напаѓачите на жената и’ пришле од зад грб, по што женското лице физички ја нападнало удирајќи ја со тупаници и клоци во пределот на главата и телото, а потоа ја турнале на земја, и’ ја одзеле чантата во која имало два мобилни телефона од марките „Самсунг Мини“ и „Нокиа“, лична карта, очила и околу 1.200 денари, и преку пругата се упатиле кон населбата Кисела Вода.
Од полициската станица Кисела Вода информираат дека се преземаат мерки за пронаоѓање на лицата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.