Свет
Трамп: Ги зедов кул папките како сувенир, Гестапо ми подметна доверливи документи
Доналд Трамп се обиде да го минимизира обвинувањето дека чувал доверливи документи дома, тврдејќи дека тие се само празни папки.
Поранешниот американски претседател изјави вчера дека ги зел папките како „кул сувенир“ и ги обвини федералните власти кои „го мразат Трамп“ дека му ги подметнале доверливите документи во неговата куќа, јавуваат американските медиуми.
Трамп се обиде да го намали значењето на скандалот околу стотиците доверливи документи пронајдени во неговиот дом во Мар-а-Лаго, привлекувајќи внимание на неколку празни папки пронајдени од агентите на ФБИ во експлозивна потрага на 8 август 2022 година.
„Тие беа обични, евтини папки со секакви зборови испечатени на нив, но беа кул спомен“, напиша Трамп во објавата на неговата социјална мрежа „ Вистина“.
„ Можеби Гестапо зеде некои од овие празни папки кога извршија рација во Мар-а-Лаго и ги сметал како документи, што не беа“, тврди Трамп, додавајќи: „Можеби марксистичките насилници кои го мразат Трамп подметнале документи во нив“.
Трамп потоа се повика на доверливите документи кои беа пронајдени во куќата на американскиот претседател Џо Бајден.
„Тие постојано велат дека имам „голем број документи“ за да направат доверливите документи на Бајден да изгледаат помалку значајни“, рече тој.
„Не направив ништо лошо како претседател. Џо направи“, објави Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претставникот на Израел во ОН: Итно да се воведат санкции кон Иран поради неговиот ладнокрвен напад врз Израел
Претставникот на Израел во ОН Дени Данон побара денеска на итната седница на Советот за безбедност на Обединетите нации посветена на кризата на Блискиот Исток, веднаш да се воведат санкции кон Иран поради, како што наведе, ладнокрвнниот ракетен напад врз Израел.
„Ова е напад врз милиони израелски цивили. Тоа се жени и деца, муслимани, христијани, Евреи, луѓе од сите вери. Во овој невиден чин на агресија, Иран истрела речиси 200 балистички проектили“, рече Данон, ОН, соопшти Советот за безбедност.
Тој изјави дека милиони луѓе се во засолништа и посочи дека нападот на Иран е обид да се нападне срцето на израелското општество и дека на мета биле најсветите места – џамиите, црквите и синагогите.
Свет
Небензја: Безобразна е одлуката на Израел да го прогласи Гутереш за персона нон грата
Израелското прогласување на генералниот секретар на ОН Антонио Гутереш за персона нон грата е безобразна одлука и шлаканица за Светската организација, изјави денеска постојаниот претставник на Русија во ОН, Василиј Небензја.
„Денешната вест за прогласувањето на генералниот секретар на ОН за персона нон грата е безобразна и крајно груба одлука. Ова е шлаканица не само за ОН, туку и за сите нас, Советот и членки на ОН “, изјави Небензја, пренесе РИА Новости.
За време на состанокот на Советот за безбедност на ОН тој ги повика членките на Советот и членките на ОН да одговорат на овој „безобразен чекор“.
Небензја посочи дека Советот за безбедност на ОН ги има потребните алатки за решавање на овие проблеми и ги повика сите да реагираат што е можно поскоро.
Претходно денеска израелското Министерство за надворешни работи го прогласи Гутереш за персона нон грата и му забрани влез во земјата.
Израелскиот министер за надворешни работи, Израел Кац, изјави дека на Гутереш му е забранет влезот во земјата затоа што „недвосмислено“ не го осудува иранскиот ракетен напад врз Израел.
„Секој кој не може недвосмислено да го осуди грозоморниот напад на Иран врз Израел, како што тоа го направи речиси секоја земја во светот, не заслужува да стапне на израелска почва“, рече Кац.
Свет
Советот на Европа усвои резолуција: Асанж беше политички затвореник
Парламентарното собрание на Советот на Европа денеска усвои резолуција со која се признава дека основачот на Викиликс, Џулијан Асанж, е политички затвореник во Велика Британија.
За резолуцијата во ПС СЕ, која ја сочинуваат пратеници од 46 земји-членки на Советот на Европа, гласаа 88 пратеници, против беа 13, а воздржани 20, објави Викиликс на Икс.
Во нацрт-резолуцијата насловена како „Притворот и осудувањето на Џулијан Асанж и нивното застрашувачко влијание врз човековите права“, која претходно беше објавена на веб-страницата на PS SE, се укажува на важноста на слободата на печатот и се наведува дека „суровиот третман на Џулијан Асанж, кој неодамна беше ослободен од притвор по повеќе од една деценија политички мотивирано кривично гонење за неговата новинарска работа“ заслужува посебно внимание, пренесуваат агенциите.