Единицата за недозволена трговија при СВР Скопје , до надлежното Основно јавно обвинителство Скопје поднесе кривична пријава против М.М.(48), К.Т.(52), К.Т.(44) и Н.С.(45) од Скопје, поради основано сомнение за сторено кривичното дело недозволено изработување, држење и тргување со оружје.

При реализацијата на случајот пронајдени се и одземени: автоматска пушка кал.7,62, 2 рамки за автоматска пушка, 112 куршуми кал.7,62х39 мм за автоматска пушка, 2 рамки за автоматски пиштол М61 (шкорпион) со 29 куршуми кал.7,65 мм, 1 пиштол марка »Бровинг« кал 9 мм (кратка деветка) со рамка за истиот пиштол и 8 куршуми кал. 9 мм (кратка деветка) како и еден пригушувач за истиот пиштол.

Имено, по претходно добиено оперативно сознание дека М.М. недозволено поседува огнено оружје, Единицата за недозволена трговија превзеде соодветни мерки и активности за обезбедување на материјални докази.

Така на 14ти јуни СВР Скопје ЕНТДО изврши претрес во неговиот дом. При претресот во домот е пронајдено: автоматска пушка кал.7,62 х 39 со бришен број на пушката и број на лежиште на ударна игла 3790, 2 рамки за автоматска пушка, 112 куршуми кал.7,62х39 мм за автоматска пушка, 2 рамки за автоматски пиштол М 61 (шкорпион) со 29 куршуми кал.7,65 мм, 1 пиштол марка „Бровинг“ кал 9 мм (кратка деветка) со рег. бrој 5383 со рамка за истиот пиштол и 8 куршуми кал. 9 мм (кратка деветка) и еден пригушувач за истиот пиштол.

М.М. е приведен во службените простории на СВР Скопје ККИ -ЕНТДО каде во извршениот разговор појасни дека оружјето и муницијата кои беа пронајдени при претресот во неговиот дом ги купил во 2001 година за време на конфликтот и тоа автоматската пушка со една рамка ги купил од К.Т. со кој стапил во контакт преку К.Т.(44) по цена од 800 германски марки, а втората рамка со 112 куршуми за автоматска пушка му ги дал Н.С. за што му доплатил уште 200 германски марки. Пиштолот марка „Бровинг„ кал.9мм (кратка деветка) со една рамка и 8 куршуми кал.9 мм (кратка деветка) заедно со пригушувачот го купил од лице од Припор Кисела Вода , за цена од 500 марки.

Истиот ден К.Т.(44) и Н.С. се приведени во просториите на СВР Скопје ККИ ЕНТДО, а К.Т.(52) е недостапен заради што е распишана телеграма за негово пронаоѓање.

М.М. минува во евиденциите на МВР како сторители на кривични дела од областа на имотните деликти, Н.С. е извршител на кр.дело од областа на недозволена трговија со наркотични дроги . К.Т.(44) и К.Т.(52) не минуваат во казнената евиденција при СВР Скопје. /крај/со/ач