Црна хроника
Нож на врат за вработена во Собранието при расправија со колега
Сериозен инцидент се случил во петокот околу 08:00 часот во Собранието на Република Македонија, кога вработен при расправија со колешка извадил нож и и го ставил на вратот, но за среќа нападнатата избегала и го пријавила случајот.
Според информациите на полицијата, инцидентот се случил кога во канцеларија на Секторот за техничка поддршка влегол Д.Т. и започнал расправија со 48-годишната колешка Д.С.
При обидот да биде смирен од друга колешка М.М., која била присутна во канцеларијата, тој извадил нож и го ставил на слабината на Д.С. и и рекол да излезе надвор со него. Откако нападнатата почнала да се спротиставува, напаѓачот ножот и го ставил на врат. Во меѓувреме, М.М. се обидела преку телефон да го повика обезбедувањето, при што напаѓачот се обидел да ја спречи. Тоа го искористила напнатата Д.С. и успеала да побегне, по што го пријавила случајот.
СВР Скопје работи на расчистување на случајот. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.