Европа
Турски репрезентативец бесен: Се крадат ќебиња и се продаваат по петпати повисока цена
Повеќе од 4.800 луѓе загинаа во серијата разорни земјотреси во Турција и Сирија.
Вчерашниот ден го одбележа катастрофа, која со години не е видена во овие две земји, а во текот на ноќта се случи уште еден земјотрес со јачина од 5,6 степени во централна Турција.
Во наредните денови се очекува да бидат откриени уште жртви, а сеизмолозите предупредуваат дека земјата ќе продолжи да се тресе.
За жал, трагичната ситуација во која се наоѓа Турција некои ја користат за профит и заработка. Ова го откри дефанзивецот на Лестер и турската репрезентација Чаглар Сојунчу.
Дефанзивецот од Измир на своите социјални мрежи објави дека сите оние што сакале да заработат по земјотресот, кој однесе илјадници жртви, не треба да останат неказнети.
„Читаме и гледаме дека некои неморални луѓе, кои немаат зрно човечност, се обидуваат да ограбат и да продаваат ќебиња за петпати повисока цена додека земјата е во жалост и додека луѓето сè уште се обидуваат да си ги спасат животите под урнатините. Не смее да останат неказнети, не смееме да ги оставиме неказнети“, напиша Сојунчу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.