Спорт
Модриќ ќе добие нов договор ако престане да игра за Хрватска
Договорот на Лука Модриќ со Реал Мадрид истекува во јуни и се уште не е сигурно дали ќе го продолжи. Неспорно е дека постои желба од двете страни за продолжување на соработката. Сепак, Реал Мадрид, како што пишува „Onefootball“, поставил услов за кој Модриќ нема да може да преговара.
За време на Мундијалот медиумите пишуваа дека тренерот Карло Анчелоти бил убеден дека Модриќ ќе се збогува од хрватската репрезентација по Мундијалот во Катар, но освоениот бронзен медал, како и фактот дека Хрватска во јуни ќе игра во финалето на Лигата на нации, разбуди нови емоции. во Модриќ, по што на сите во Реал им станало јасно дека тој нема намера да се откаже од националниот тим.
Модриќ веќе се договорил со тренерот Далиќ во јуни да игра на завршниот турнир од Лигата на Нации, што веројатно не би требало да му претставува проблем Реал бидејќи се игра веднаш по завршувањето на сезоната.
Проблем се квалификациските натпревари за ЕП во Германија кои се закажани за март. Модриќ се уште се нема изјаснето, па Далиќ не знае дали ќе може да смета на него за првиот натпревар против Велс на 25. март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ракометарите убедливо поразени од Фарските Острови
Ракометната репрезентација на Македонија ќе има тешка задача да избори пласман на Светското првенство. Вечерва во Торшван, Фарските Острови ја победија Македонија со 34:27.
Македонија, во дуелот со репрезентацијата која беше најпријатното изнеандување на последното Европско првенство, во ниту еден момент не беше конкурентна.
Од стартот македонските ракометари му дозволија да го наметне својот стил на игра. Одбраната немаше решение за играчот на Кил, Скипаготу кој постигна десет гола.
Македонија ја рпедводеше Филип Кузмановски со осум постигнати гола, Митев постигна пет, а Никола Костески четири.
Реванш натпреварот во Скопје се игра в недела од 19:00 часот.
Спорт
Салфетката на Меси на аукција достигна цена од 300.000 евра
Започна наддавањето за салфетката на која фудбалскиот клуб Барселона го напиша своето ветување дека ќе потпише договор со тогаш 13-годишниот Лионел Меси. Првите понуди достигнаа речиси 300.000 долари.
Договорот на салфетката е потпишан во декември 2000 година кога Карлес Рексач, тогаш спортски директор на Барселона, се договори со менаџерот Хорасио Гаџиоли, клубот да го ангажира аргентинскиот тинејџер кој подоцна стана најдобар играч и стрелец во клупската историја.
Наддавањето за документот, опишан од аукциската куќа Bonhams како „сино мастило на стандардна шпанска восочна салфетка“, достигна 220.000 фунти (околу 280.000 евра) набргу по отворањето на аукцијата, објави веб-страницата на аукционерот.
„Тоа никогаш не беше правно обврзувачко, но емотивно претставува длабока врска или почеток на длабока врска што Меси ја имаше со Барселона“, рече главниот маркетинг директор на Бонамс, Марк Сендс.
Меси и помогна на Барселона да освои 35 трофеи, со рекордни 782 настапи и 674 голови.
Лионел Меси ја напушти Барселона во 2021 година и сега игра за Интер Мајами.
Онлајн продажбата завршува на 17 мај.
Спорт
Каталес херој – Фенербахче избори место на завршниот турнир
Кошаркарите на Фенербахче обезбедија пласман на фајналфорот во Евролигата, тие го победија Монако во мајсторката од четвртфиналната, по едно продолжение со 80:79. Во регуларниот дел натпреварот заврши 70:70.
Фенербахче и первата екипа во историјата на Евролигата која успеала да го добие петтиот меч на гостински терен. Претходните 19 мајсторки завршувале со победи на домаќините.
Натпреварот во Монако беше исклучително израмнет и драматичен. Во регуларниот дел Вилбекин погоди тројка на влез во последната минута и му донесе на Фенер предност од четири поени, одговори Окобо со четири коша, но истиот играч не успеа со звукот на победа да погоди тројка за победа.
Во продолженијата херој на фенербахче стана Ник Калатес. Гркот кој погоди две тројки, втората на 18 секунди до крајот с која му донесе победа на Феенрбахче.
Калатес и Вилбекин беа најефикасни кај фенербахче со по 14 поени, Биберовиќ постигна 13, а Гудуриќ 10. Кај Монако најефикасен беше Мајк Џејмс со 20 поени, Мотејунас забележа 16 поени и седум скока, а Окоо постигна 15 поени.
Фенербахче во полуфиналето на завршниот турнир во Берлин, на 24.мај ќе игра против Панатинаикос.