Регион
Анкара бара од Берлин да ѝ ги предаде наводните следбеници на Ѓулен
Турскиот министер за надворешни работи Мевлут Чавушоглу побара во четвртокот од Германија да ги екстрадира лицата кои се сметаат за следбеници на исламскиот проповедник Фетулах Ѓулен кој живее во егзил во САД, пренесе CNNTurk.
Турскиот министер за надворешни работи Мевлут Чавушоглу побара во четвртокот од Германија да ги екстрадира лицата кои се сметаат за следбеници на исламскиот проповедник Фетулах Ѓулен кој живее во егзил во САД, пренесе CNNTurk.
Турција го обвинува Ѓулен дека стои зад неуспешниот обид за воен преврат од ноќта на 15-ти јули. Чавушоглу изјавил дека обвинителите и судиите кои се дел од движењето на Ѓулен, во моментов се наоѓаат во Германија, каде што живеа значително турско малцинство.
Анкара, исто така, се обидува да ги убеди САД да ѝ го предадат Ѓулен, а Вашингтон бара официјално барање со „уверливи докази“ за неговата вмешаност во обидот за пуч.
Ѓулен, кој во САД живее од 1999 година и води широка мрежа образовни институции од детски градинки па до факултети и фондации во Турција и во други земји, ја отфрла одговорноста за обидот за државен преврат во кој загинаа најмалку 246 луѓе.
Претседателот Реџеп Тајип Ердоган, поранешен сојузник на Ѓулен а сегашен огорчен противник, дека создава „паралелна држава“ и сака да ја собори неговата врата./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.