Македонија
Не се знае кога болните од цистична фиброза ќе го добијат лекот, доставувачот ќе го испорача 30 дена по нарачката
![](https://makfax.com.mk/wp-content/uploads/2023/02/326744984_526505219626670_8561935581188570843_n.jpg)
И натаму не се знае кога пациентите, кои боледуваат од цистична фиброза, ќе го добијат лекот „трикафта“. Премиерот Димитар Ковачевски на нова прес-конференција одново ја повтори процедурата за набавка. И самиот потенцира дека лекот ќе стигне 30 дена по нарачката. Но, во моментот носењето на лекот е во фазата кога најпрвин треба да бидат променети три закони, процедура што не се знае колку може да потрае.
„Во рок од 30 дена може да се испорача лекот за цистична фиброза, а кога ќе се направи нарачка, тогаш се произведува лекот. Веднаш штом ќе се склучи договор со производителот, тој нуди уште една услуга, да изработи своја статистика за тоа колку можни пациенти би имало во иднина за да може тие податоци да му бидат достапни на Министерството со цел да ги планира финансиските средства за лекот“, рече Ковачевски.
Го повтори ставот дека финансиските средства се обезбедени.
„Финансиските средства се обезбедени за пациентите со цистична фиброза и доставувачот на лекот има обезбедено количини за најкритичните пациенти од единствениот производител“, појасни премиерот.
Набавката е во фаза на дефинирање на измените на трите закони, кои ќе мора да ја минат и собраниската процедура за нивно донесување.
„Тимовите на Министерството за финансии и на Министерството за здравство работат на промените на законите по примерот на другите држави за лек што е патентиран и се произведува од само еден производител за тој да се обезбеди со директно преговарање. Бидејќи таа законска можност не постои кај нас како што постои во другите држави, јас верувам дека тоа сите пратеници ќе го поддржат во Собранието и ќе имаме по итна постапка менување на тој дел од законот“, рече тој.
За оваа намена од Фондот за здравство минатата недела беа одобрени над 2,2 милиона евра, а во соработка со сите релевантни институции во изминатите неколку дена беа завршени сите постапки со кои се овозможува непречена итна набавка на лекот „трикафта“ за критичните пациенти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дрво падна врз три возила во Карпош, погон на скопска фирма под вода
![](https://makfax.com.mk/wp-content/uploads/2024/06/nevreme-skopje-1.jpg)
Оштетени возила, паднати дрвја, поплавeни површини во Скопје. Ваков е епилогот од состојбата во текот на ноќта, предизвикана од невремето што вчера го зафати главниот град.
На 112 во ЦУК, доцна синоќа во 03:22 часот, добиена е пријава за паднато дрво врз три возила, како и на коловоз на ул.„Разловечко востание“ бр.16 (Општина Карпош).
Увидна екипа од МВР била на лице место и направила увид. Од Регионалниот ЦУК Скопје е информирано за интервенција до надлежна служба за да го отстрани проблемот.
Дрвото е паднато поради временската непогода – силен ветер и обилни врнежи.
Утрово во 06:09 часот, е добиена е пријава за уште еден оштетен автомобил, на истата улица, но на бр.12.
Во ЦУК на 112, е добиена пријава дека при невремето причинета е материјална штета во погонот на „Ла Пласт“, во Скопје, односно истиот е поплавен, според пријавителот најверојатно постои проблем со атмосферската канализација или пак е пукната цевка, при што водата тече по улица и се слева во неговите погони. Во моментот објектот се наоѓа поплавен до 50 сантиметри под вода. РЦУК Скопје ги извести надлежните служби за интервенирање според пријавениот итен случај.
Македонија
Над 10.000 посетители на Два Бона и Пајак на Културно Лето Кисела Вода
![](https://makfax.com.mk/wp-content/uploads/2024/06/thumbnail_3.jpg)
Преку 10 000 посетители имаше синоќа во паркот Расадник на втората фестивалска вечер од Културнoто Лето на Општина Кисела Вода. Пајак и Два Бона одржаа концерти кои долго ќе се раскажуваат.
Покрај нивните хитови кои се пееја цела вечер во еден глас, тие на сцената настапија и заедно, со нивната нова заедничкa песна “Алиби”. Аплаузи, пеење, сликање со идолите, огномет и многу забава и среќа се запишани на страницата на Општина Кисела Вода од овој четврток. Добрата забава продолжува и во следните денови.
Вечерва, петок од 20 30, на истата локација, во Расадник, настапуваат гости од Србија- Ѓорѓе Давид, Бресквица и Ивана Петерс на кои музички ќе им се придружи и Андријана Петрушовска.
-Повеќе од 10.000 среќни лица вечерва беа сведоци на најдобрата забава во Скопје! Ви благодарам на сите кои со своето присуство додадовте парче во мозаикот на нашата Кисела Вода. Благодарарам на главните ,,виновници” за најдобрата журка во градот, Пајак и 2 Бона кои оваа вечер ја направија за паметење и ги сплотија младите во нашата општина, па и градот Скопје. Ова, ќе се прераскажува! Кисела Вода испишува историја. Се гледаме утре, во истото време со мега популарниот рокер Ѓорѓе Давид, Бресквица и нашата Андријана Петрушовска-изјави градоналалникот Орце Ѓорѓиевски.
Македонија
Променливо облачно со повремен пороен дожд и грмежи, особено во источните делови
![](https://makfax.com.mk/wp-content/uploads/2017/02/oblacno-2.jpg)
Времето денеска ќе биде променливо облачно со повремен пороен дожд и грмежи, особено во источните делови. Ќе дува слаб до умерен ветер од северен правец. Локално ќе има услови за краткотрајно невреме. Минималната температура ќе биде во интервал од 14 до 21, а максималната ќе достигне од 26 до 33 степени. UV=7
Во Скопје ќе биде променливо облачно со повремен пороен дожд и грмежи. Минималната температура ќе се спушти до 17, а максималната ќе достигне до 32 степена.
За време на викендот и во понеделник времето ќе биде стабилно и потопло, а повторно дестабилизирање се очекува од вторник.