Свет
(Видео) Силен земјотрес од 7,2 степени го погоди Таџикистан

Силен земјотрес со јачина од 7,2 степени според Рихтеровата скала утрово го погоди Таџикистан, јави кинеската државна телевизија ЦТВ повикувајќи се на Кинескиот мрежен центар за земјотреси.
🛑 Strong 7.2 magnitude earthquake hits eastern #Tajikistan. Tremors also reported from #Pakistan#kyrkyzstan #tajikistan #earthquake #turkey #quake #asia #China #Pakistan pic.twitter.com/WWU3nPcD84
— PakWeather.com (@Pak_Weather) February 23, 2023
Земјотресот се случил во 8.37 часот по локално време, на длабочина од 10 километри. Потресот е регистриран на оддалеченост од 80-ина километри од границата со Кина, а силно е почувствуван во некои области во кинескиот регион Ксинџијанг, вклучително и во Кашгар, јави ЦТВ.
7.3 Earthquake Strikes Tajikistan, China and Pakistan#earthquake #quake #sismo
Long Version:https://t.co/aTbF7Rz0Ze pic.twitter.com/uxkh7Bzz9I— Meteor News (@FishNewsChannel) February 23, 2023
Одделот за железници во Ксинџијанг повика да се запрат патничките возови на делот Аксу до Кашгар на јужната железница Ксинџијанг, објавија државните медиуми.
Get well soon Tajikistan 🇹🇯 God help you #Tacikistan #earthquake pic.twitter.com/3QIO9qNziM
— KASİDE (@zakkumec) February 23, 2023
Овој регион инаку е ретко населен и е опкружен со високите планини Памир. Во оваа област се наоѓа езерото Сарез, едно од најголемите езера во Таџикистан, кое има аквамарин-нијанса и настанало како резултат на земјотрес во 1911 година. Зад езерото Сарез има природна брана длабоко во планината Памир, а експертите предупредија дека последиците ќе бидат катастрофални доколку браната пропадне.
A magnitude 7.1 #Earthquake strikes in #Tajikistan, near the border with #China. Hope everyone will be safe🙏pic.twitter.com/GIlPYurQwD
— Auron (@auron83591234) February 23, 2023
Инаку, поголемиот дел од Азија, главно централна, е подложен на природни катастрофи, вклучувајќи поплави, земјотреси, лизгање на земјиштето, лавини и обилни снежни врнежи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Захарова: Одбивањето на Киев да ги преземе телата е доказ за неговата неонацистичка природа

Портпаролката на Министерството за надворешни работи на Русија, Марија Захарова, повторно го коментираше одбивањето на Киев да ги врати телата на своите војници и истакна дека ова е „најстрашниот доказ за неговата неонацистичка, дехуманизирана природа“.
„Фактот што тие не ги земаат телата на своите војници, верувам, е најстрашниот доказ за нивната неонацистичка дехуманизирана природа“, изјави Захарова за радио „Спутник“.
Захарова го привлече вниманието на фактот дека Киев не поднел никакви барања за одложување на приемот на телата.
„Како одговор на ова, не се слушна ниту мрморење ниту барање, на пример – бидејќи на украинската страна ѝ недостасуваат научни и технички способности, бидејќи станува збор за идентификација, зачувување – преземањето да се одложи или, да речеме, да се спроведе во серии, или, да речеме, да се преземат оние што, според наша гледна точка, се успешно идентификувани. Ништо од тоа. Директно отфрлање, кое се претвора во потсмев, не кон нас, туку кон нив“, рече таа.
Коментирајќи го одбивањето на Киев да ги преземе телата на војниците на украинските вооружени сили, Захарова истакна дека во светот нема пример за „таква традиција“.
„Се прашував, можеби во варварската традиција, можеби меѓу варварите, тоа е толку колективен концепт, не беше ли вообичаено да се земат телата на паднатите војници? Ништо слично: дури и меѓу варварите беше задолжително да се погребуваат со почести војниците кои се бореле за интересите на својата заедница. Не постои таква традиција, разбирате ли? Светот живее од античко време, а ниеден народ не постигнал таков резултат“, изјави таа.
Претходно помошникот на рускиот претседател и шеф на руската делегација на преговорите со Украина, Владимир Медински, изјави дека, во согласност со договорите од Истанбул, на 6 јуни руската страна започна со спроведување на хуманитарната операција за префрлање на повеќе од 6.000 тела на загинати украински војници во Украина, како и размена на ранетите и тешко болните воени заробеници и воените заробеници под 25 години.
Сепак, Киев неочекувано го одложи приемот на телата и размената на воени заробеници на неодредено време, пренесува Танјуг.
Свет
Иран: Доколку дојде до воен конфликт, ќе ги нападнеме американските бази во регионот

Доколку нуклеарните преговори не успеат и дојде до конфликт со САД, Иран ќе ги нападне американските бази во регионот, изјави денес министерот за одбрана Азиз Насирзаде, неколку дена пред планираната шеста рунда разговори меѓу двете страни за нуклеарната програма на Иран.
„Некои претставници од другата страна се закануваат со конфликт ако разговорите не вродат со плод. Ако ни се наметне конфликт сите американски бази се во наш дофат и ние смело ќе ги таргетираме во земјите домаќини“, изјави Насирзаде на прес-конференција.
Американскиот претседател Доналд Трамп повеќе пати се закани дека ќе го бомбардира Иран ако не постигне нов нуклеарен договор.
Следната рунда разговори треба да се одржи оваа недела. Трамп ги најави разговорите за четврток, додека Техеран вели дека тие ќе се одржат во недела во Оман.
Се очекува Иран да понуди контрапредлог на американската понуда за договор што Техеран го отфрли.
Трамп одговори дека Иран станува „сè поагресивен“ во разговорите.
Насирзаде потсети дека Техеран неодамна тестирал ракета со боева глава од два тона и дека нема да прифати никакви ограничувања. Врховниот лидер на теократската Исламска Република, ајатолахот Али Хамнеи, во февруари изјави дека Иран ќе продолжи да ги развива своите воени капацитети, вклучително и своите ракети.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.