Европа
Расте бројот на жртви во рударската несреќа во Кина, многумина се водат како исчезнати
Најмалку четири лица загинаа, шест се повредени, а 49 се водат за исчезнати при уривање на рудникот за јаглен во северна Кина во средата, објавија државните медиуми.
Триста пожарникари за спасување, со 60 противпожарни возила и шест кучиња трагачи и спасувачи, денеска се на терен и трагаат по затрупаните рудари, пишуваат кинеските медиуми, пренесува „Ројтерс“.
Државната здравствена комисија во средата вечерта соопшти дека шест повредени лица се спасени и дека испратила 15 амбулантни возила со 45 медицински работници да помогнат во спасувањето.
Несреќата се случила во средата во автономниот регион Внатрешна Монголија, во отворен рудник во сопственост на компанијата за ископ на јаглен во Ксинџијанг.
Кинескиот претседател Шји Џјинпинг нареди пребарување и спасување во средата, објавија државните медиуми.
„Мораме да ги вложиме сите можни напори за да ги спасиме исчезнатите лица и да ги лекуваме повредените“, рече Шји. Премиерот Ли Кечијанг исто така побара брза истрага за причините за колапсот.
Локалните власти денеска итно наредија рудниците за јаглен во неколку големи рударски региони во Кина да извршат безбедносни инспекции, особено во површинските рудници. Внатрешна Монголија е најголемиот регион за производство на јаглен во Кина.
Јагленот е главниот извор на енергија во Кина, но рудниците се меѓу најсмртоносните во светот, главно поради слабото спроведување на безбедносните стандарди и покрај повторените владини наредби за подобрување на безбедноста во текот на годините, според „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украинците се повлекоа од дел на Часив Јар, објавени фотографии од опустошениот град
Армијата на Украина денеска соопшти дека нејзините војници се повлекле од дел од Часив Јар во источниот регион Доњецк, еден ден откако Русија објави дека нејзините сили презеле контрола врз дел од стратешки важниот град.
Денеска беа објавени воздушни фотографии на кои се гледа квартот Новји, кој се наоѓа западно од каналот Сиверски Доњец-Донбас, а минува низ источниот дел на градот. Руското Министерство за одбрана вчера извести дека руските воени сили ја презеле контролата токму на тој дел.
Часив Јар се наоѓа на рид. Доколку руските сили воспостават целосна контрола над градот, тие во иднина би можеле да го користат како почетна точка за понатамошен напредок кон запад и кон украинските градови Краматорск и Славјанск.
„За нас стана непрактично да одржуваме контрола врз делови од градот откако непријателот влезе таму. Животот и здравјето на нашите војници беа загрозени, а позициите на нашите бранители беа исто така уништени“, изјави воениот портпарол Назар Волошин за украинската телевизија.
„Командата одлучи да се повлече на подобро заштитени позиции, но непријателот не престанува со активната борба ниту во таа област“, рече тој.
Руските сили, кои ја започнаа инвазијата на Украина во февруари 2022 година, постепено напредуваа во регионот Доњецк во последните недели, барајќи да отворат нов фронт во близина на североисточниот град Харков.
Напредокот во регионот Харков е запрен, но украинските воени аналитичари признаваат дека 2024 година била тешка година за Украина на бојното поле, која исто така била погодена од доцнењето на американската воена помош.
Украинските воени сили во дневниот извештај објавија дека во последните 24 часа се воделе 161 воена битка, од кои повеќето се случиле во областа Доњецк. Во извештајот се наведува и дека украинските воени сили ги спречиле руските сили да ја пробијат украинската одбрана на фронтот Краматорск, кој ги опфаќа областите во близина на Часив Јар.
Европа
„Украинците убија стотици илјади руски војници“, Медведев: Регрутираме по 1.000 дневно
Поранешниот руски претседател и близок соработник на актуелниот руски претседател Владимир Путин, Дмитриј Медведев денеска изјави дека руските вооружени сили годинава ги зајакнале своите редови со 190.000 нови доброволци.
Медведев, кој сега ја извршува функцијата заменик-претседател на Советот за безбедност на Русија, рече дека нема недостиг од воен персонал и дека целта за регрутирање на Кремљ е исполнета.
„Просечната дневна стапка на регрутирање останува стабилна на околу илјада луѓе“, рече Медведев на состанокот на руското Министерство за одбрана, цитиран од државната новинска агенција ТАСС.
Според проценките на украинското воено раководство, речиси 550.000 руски војници се убиени или ранети од почетокот на руската инвазија пред повеќе од две години.
Европа
(Видео) Еруптираше вулканот Етна
Вулканот Етна на Сицилија еруптираше исфрлајќи лава и густ чад, но немаше големи облаци од пепел над италијанскиот медитерански остров, а нема информации за штета.
Visitors led by volcanological guides admire the magnificent show of Strombolian explosions and lava cascades from #Etna's Voragine crater on the evening of 2 July 2024 pic.twitter.com/1dRsBoyMDr
— Boris Behncke (@etnaboris) July 3, 2024
На снимката се гледа како лава и остатоци полека течат по планината, а истражувачите ја набљудуваат ерупцијата во близина.
An Italian photographer captured some incredible video of Mount Etna erupting explosively at the volcano's Voragine crater on Monday evening. pic.twitter.com/zUQvlC0WhC
— AccuWeather (@accuweather) July 3, 2024
Етна е еден од најактивните вулкани во светот, а особено е активен во близина на југоисточниот кратер. Тој е и најголемиот активен вулкан во Европа, висок околу 3300 метри.