Европа
Сопруг ја спречувал сопругата да се тушира, ѝ било дозволено да користи два листа тоалетна хартија, ја терал да штеди
Дозволено ѝ било да се тушира само еднаш неделно, смеела да користи многу малку тоалетна хартија, а водата морала да ја складира во мијалникот што го користела за миење на лицето. Ова се само некои од апсурдните ситуации што ги доживеала една жена од Болоња под притисок на нејзини сопругот, кој ги надгледувал сите трошоци на нивното домаќинство, пишува „Ла Стампа“.
Штедењето за него било вистинска опсесија, пренесува медиумот. Но, кога ќе се наметне екстремно штедење на сопругата или на друг член на семејството, тоа може да се претвори во кривично дело – злоупотреба. Така одлучил Врховниот суд, кој ја потврдил казната на насилниот сопруг бидејќи со години ја терал сопругата да штеди во домаќинството, пренесува „Нови лист“.
Според судиите, маж, кој живеел во Болоња, кој бил многу скржав, ја угнетувал својата сопруга опсесивно контролирајќи ја. Судиите истакнаа и дека семејството не било во финансиски тешкотии бидејќи и двајцата сопружници имале работа и плата. И покрај тоа, мажот ѝ наметнал на сопругата начин на живеење, кој подразбира жртви и ограничувања, дури и кога е во прашање секојдневното водење на домаќинството.
За време на пазарењето, жената не смеела да купува брендирани производи, туку само оние „на распродажба, кои важеле за покуќнина и облека“. Строгите правила се однесувале и на „семејниот живот и интимната грижа“. Жената признала дека ѝ било дозволено да користи „само два листа тоалетна хартија, во мијалникот требало да ја зачува водата со која го миела лицето за повторна употреба, а ѝ било дозволено да се тушира само еднаш неделно. Покрај тоа, нејзиниот сопруг наредил да користи само лажица или виљушка и по една чинија за оброк.
Наспроти обвинувањата на жената, и нејзиниот сопруг ја обвинил дека постојано ги крши правилата и ја нарекол расипничка. Според судијата, тој воспоставил „атмосфера на угнетување“ во куќата. Во пресудата судиите на Врховниот суд објаснуваат дека неговото „однесување било проследено со особено болни методи на контрола по што жената била принудена да ги фрла сметките од продавницата, да ја крие купената стока, да ги остава купените продукти кај своите родители, ги молела пријателите да му кажуваат на нејзиниот сопруг дека ѝ дале подарок од она што таа навистина го купила“.
Во една пригода, според написите, сопругата ја фрлила искористената кујнска хартија во корпата за отпадоци, но сопругот ја извадил и ѝ рекол дека хартијата сè уште е употреблива и дека може дури и да се подели на десет парчиња, пишува Ил месаџеро“ .
Пријателите на жената и татко ѝ сведочеле на суд и рекле дека за време на заедничкиот живот со сопругот, насмеаната и здрава жена се изолирала и ја изгубила независноста и почнала да страда од психички проблеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Експлозија на руски танкер во Црното Море: постои ризик од потонување
Рускиот танкер „Каирос“, кој е под санкции, беше оштетен во експлозија во близина на Босфорскиот теснец во Црното Море во петокот. Бродот е поврзан со таканаречената „флота во сенка“ на Москва, која се користи за избегнување на западните санкции врз рускиот извоз на енергија, објави Ројтерс.
Турското Министерство за транспорт и инфраструктура соопшти дека „Каирос“ пријавил „надворешен удар“ додека бил на пат кон руското пристаниште Новоросијск, 28 наутички милји од турскиот брег. Експлозијата предизвикала пожар во машинската просторија на бродот, а турските спасувачки служби започнале операција за евакуација на 25 членови на екипажот.
An explosion and fire broke out in the engine room of the Gambian-flagged tanker Kairos while it was sailing in ballast about 52 miles north of the Bosphorus in the Black Sea, shipping agency Tribeca said. pic.twitter.com/Hvp8Ov4j5r
— Levent Kemal (@leventkemaI) November 28, 2025
Според агенцијата за бродски превоз „Трибека“, „Каирос“ можеби удрил во мина и е во опасност да потоне. Спасувачки влекачи и крајбрежната стража беа испратени на местото на настанот за да обезбедат помош.
Извор за Ројтерс изјави дека друг танкер, „Вират“, исто така претрпел експлозија во Црното Море. И двата брода се на списокот на санкционирани бродови поврзани со руската „флота во сенка“.
Европа
(Видео) Украинците уништија руски систем за воздушна одбрана вреден 60 милиони долари
Украинските сили за беспилотни системи објавија дека уништиле три вредни руски противвоздушни системи со вкупна проценета вредност од околу 60 милиони долари – Бук-М1, Бук-М2 и Тор-М2 – за време на тридневен напад со беспилотни летала.
Во соопштение на социјалните мрежи, тие велат дека операторите од батаљонот Асгард на 412-та бригада Немезис, заедно со 12-от Центар за специјални намени и специјалната единица „Кабул 9“ на Воената разузнавачка служба (ХУР), погодиле три важни цели: системите Бук-М1, Бук-М2 и Тор-М2.
Уништените системи се меѓу највредната руска опрема на бојното поле.
Европа
(Видео) „Ризикуваме да изгубиме сè“: драматичен говор на Зеленски по падот на вториот човек на Украина
Украинскиот претседател Володимир Зеленски се огласи на Фејсбук за прв пат по оставката на Андриј Јермак, шефот на кабинетот на украинскиот лидер.
Како што нагласи на самиот почеток, „Русија едвај чека Украина да прави грешки“.
– Ние нема да ги правиме. Нашата работа продолжува. Нашата борба продолжува. Немаме право да не успееме, немаме право да се повлечеме или да се свртиме едни против други. Ако го изгубиме единството, ризикуваме да изгубиме сè – себеси, Украина и нашата иднина. Мора да стоиме заедно. Мора да издржиме. Нема друг избор. Никогаш нема да има друга Украина. Ние ја браниме Украина. Слава на Украина! – рече Зеленски.
Зеленски денес објави дека неговиот шеф на кабинетот, Андриј Јермак, поднел оставка.
– Прво: Канцеларијата на претседателот на Украина ќе назначи ново лице на чело – шефот на кабинетот, Андриј Јермак, ја потпиша својата оставка – рече Зеленски во своето вечерно обраќање, пренесува Интерфакс Украина.
Тој му се заблагодари на Јермак за неговата досегашна работа и рече дека утре ќе одржи консултации за тоа кој би можел да биде новиот шеф на неговиот кабинет, пренесува УНИАН.

