Свет
Истражување: Да се нарача убиство во Јужна Африка е релативно евтино
Да се ослободите од неподносливиот сопруг во Јужна Африка е релативно евтино, но политичките убиства се поскапи. Според криминалните истраги, ангажирањето платен убиец чини меѓу 145 и 8.700 американски долари (од 135 до 8.200 евра) во земја во која, по убиството на популарниот рапер, егзекуциите повторно се под лупа на јавноста.
Еден од најпопуларните музичари во земјата, Кирнан Форбс, познат како АКА, претходно овој месец беше застрелан и убиен пред ресторан во Дурбан. Форбс (35) е убиен додека вечерта со својот пријател Тебело Моцоане, познат како Тибз (41), се приближувале до автомобилот на еден од најфреквентните патишта во градот.
Инцидентот ја шокира нацијата навикната на криминал и насилство. Јужна Африка има една од највисоките стапки на убиства во светот. Убиството на Форбс беше снимено на безбедносните камери и стана вирално на интернет.
Само секое петто убиство во таа земја е разрешено, се вели во последниот годишен полициски извештај. Податоците објавени во февруари покажаа дека од октомври до декември во ЈАР се случувале во просек по 82 убиства дневно, а многу од убијците сè уште се неоткриени.
„Ретките убиства од платеници завршуваат на суд, а кога ќе завршат, убиецот често е убиен“, вели Мери де Хас, експерт за политичко насилство во провинцијата Ква Зулу-Натал, каде што се наоѓа Дурбан.
Поради тоа, се чини дека елиминирањето некого е прилично лесно, рече таа. Не е познато колку чинеше убиството на Форбс. Но, колку е попозната целта, толку е поголема цената на убиството, според извештајот од 2021 година на Швајцарската глобална иницијатива против транснационалниот организиран криминал.
Според истражувањето, убијците во Јужна Африка се платени во просек нешто повеќе од 3.000 американски долари за убиства мотивирани од лични причини, иако бројките варираат во зависност од тоа дали жртвата има животно осигурување. Политички мотивираните убиства и убиства поврзани со организираниот криминал чинат повеќе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.