Македонија
(Видео) Бектеши им направи математика на пекарите: Лебот се продава и по 28 денари, да не правиме хистерија
Ограничувањето на цената на лебот на 33 денари ќе важи до 31 мај. Ова го соопшти министерот за економија, Крешник Бектеши. Тој пред новинарите објаснуваше колкави биле цените на горивата, струјата, брашното, кои влијаат на крајната цена на лебот. Со ова ја правдаше одлуката донесена од Владата. Според него, максималната цена за 450 грама бел леб треба да биде 32 денара. Бектеши додаде дека во одредени градови има цени и пониски од 32 денара. Тој ги повика пекарите да разговараат за да се најде соодветно решение преку одржливи одлуки.
„Проверено е од сите институции, а претседателот на групацијата, еден од двајцата, како сопственик на една од најголемите компании што произведува леб, има цена под 33 денари моментно на белиот и на полубелиот леб. Тоа е утврдено од проверките на Државниот пазарен инспекторат. Затоа, да не создаваме хистерија дека не знам што ќе се направи“, додаде Бектеши.
Според него, цените на лебот биле и по 28 денари во одделни градови.
„Цените на белиот и на полубелиот леб се движат од 28 денари, до над 40, па и до 45 денари, во зависност од производителите. Ако е логично да има толку голема разлика во производството на одреден леб, зборуваме само за два вида леб од големата понуда, значи ние мислиме дека не е во ред. Секако дека тоа што е поддршка од страна на Владата треба да им се врати на граѓаните и на потрошувачите“, рече Бектеши.
Тој направи и споредба на цените од ноември до февруари.
„Ако во октомври и ноември, цената на горивата како импут за цената на производството, ќе го земам дизелот кога беше 99,55 денари, и во ноември кога беше просекот, беше 93 денари, денеска или во текот на јануари просечна цена е 87,88 денари и има најави за намалување. Природниот гас, кој одредени големи производители го користат како енергент за производство на леб, особено за Скопје, во октомври бил 134,9 за мегават-час, во ноември – 116,82 евра за мегават-час, во јануари – 56,55 евра за мегават-час, во февруари бил 51,61 евро за мегават-час. И сега секој може да ги направи процените за тоа колку процентуално се намалени цените во делот на енергентите. Во делот на субвенционираната електрична енергија, просечната цена според ‘Хупекс’ (референтна берза) за октомври е 193,94 евра. За ноември е 222,4 евра, за декември е 261,15 евро, а сите добија повластена цена од 80 евра. Во јануари е 148,69 евра, а сите производители добија цена од 80 евра за мегават-час. И февруари е 145.99 евра, а сите производители добија цена од 80 евра за мегават-час. Цените се без трошок за пренос и дистрибуција, што значи дека се минимум 20 отсто повисоки од графиконот. А сите производители добија цена од 80 евра за мегават-час“, изјави Бектеши.
Потоа посочи дека и брашното е поевтинето.
„Брашното во нашата држава во големопродажба е со просечна цена за октомври-ноември 30 денари за килограм. Просечната цена за јануари-февруари е 28 денари за килограм. Цената се движи од 26 до 28 денари“, рече Бектеши.
„Пред целата јавност сакам таксативно да ја прочитам одлуката. Најдоцна до утре ќе се објави во ‘Службен весник’“, појасни Бектеши, па ја цитира одлуката: „Со оваа одлука се определуваат највисоки цени во трговијата на мало со бел и со полубел леб, сечен на парчиња или цел. Највисоките цени од ставот 1 на овој член се утврдуваат во висина на цената, која изнесува 33 денари за леб со тежина од 450 грама и повеќе, а со тежина под 450 грама се утврдува во висина до 33 денари за леб, цена во сооднос со лебот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски оствари средба со Амбасадорката на САД, Ангела Агелер
Претседателот на Владата на Република Северна Македонија, Христијан Мицкоски, оствари средба со Амбасадорката на САД, Н.Е. Ангела Агелер.
На средбата беа разменети мислења и ставови за тековните политички и економски прашања, како и за напредокот на демократските процеси во земјата.
Претседателот Мицкоски ја истакна важноста на стратегиското партнерство помеѓу двете држави, потенцирајќи дека поддршката од американската страна е клучна за развојот и стабилноста на регионот.
Амбасадорката Агелер ја потврди посветеноста на САД за продолжување на одличната соработка со Северна Македонија и изрази подготвеност за поддршка во клучните реформи и проекти што се предвидени во наредниот период.
Средбата заврши со согласност за натамошно зајакнување на билатералните односи и интензивирање на соработката во различни области од заеднички интерес.
Македонија
Мицкоски: Изјавите на Радев се дел од средниот век, поминаа времињата кога политичарите виткаа кичма
Маските конечно паднаа. Новата власт кај нашиот сосед јасно покажа дека најголемиот страв на политичката класа во оваа држава е да го препознае самото постоење на зборовите „Бугарин“ и „бугарски“ во РСМ. Ова како што пренесуваат бугарските медиумите, пред новинарите го изјавил бугарскиот претседател Румен Радев.
Овие изјави Мицкоски ги оцени за анахрони и изјави дека се дел од средниот век, а не од современа Европа. Премиерот рече дека не го негира постоењето на бугарското малцинство во земјава кое, како што кажа, заедно со другите е признаено уште од раните 40-ти години, но обвини дека во Бугарија постои тивка и постепена асимилација на македонското малцинство. Потврда за тоа, како што вели, се пресудите на Судот за човекови права во Стразбур.
Премиерот Христијан Мицкоски вели дека е подготвен да седне на иста маса со бугарскиот претседател Румен Радев и со лидерот на ГЕРБ, Бојко Борисов, и со факти и аргументи да разговара за иднината, но оцени дека добрососедство не е ако нема меѓусебна почит и ако едната страна е понижена, а другата ликува.
„Јас сум подготвен да седнам и покрај тоа и да разговарам и со едниот и со другиот. Му посакувам на господинот Борисов да ја формира владата во Бугарија бидејќи ние доаѓаме од Европската народна партија и логично е јас да посакувам нашиот источен сосед да има премиер кој доаѓа од истото семејство. Тоа не треба да имате дилема. Но, исто така, мојата порака е дека поминаа времињата кога овде кај нас имаше политичари кои беа сервилни, коишто виткаа кичма, коишто коленичеа, потпишува се и сешто што им беше ставено на маса. Од друга страна во името на европското знаме го ограбуваа народот, ја засрамуваа и понижуваа својата татковина“, рече Мицкоски.
Македонија
Средба на Комисијата за европски прашања со Делегацијата од Баварија
Членовите на Комисијата за европски прашања имаа денеска средба со Делегацијата на Парламентот на Баварија, предводена од Герхард Хоп, член на Комисијата за Европа во овој регионален парламент во Сојузна Република Германија.
Заменик-претседателот на Комисијата за европски прашања (КЕП), Игор Здравковски, ја поздрави баварската Делегација, во чиј состав се вклучени и стопанственици, притоа истакнувајќи дека Германија, како земја предводник на европското обединување е значаен партнер во напорите на нашата земја за членство во Европската Унија.
Здравковски се осврна и на надлежностите на КЕП, нагласувајќи дека новиот состав на Комисијата ќе продолжи да работи посветено во остварување на стратешката цел на државата за интегрирање во ЕУ.
Во име на баварската Делегација, Хоп посочи дека за Баварија, како и за Германија во целина, е мошне важно да оставрува контакти со сите земји од регионот на Западен Балкан, со кои, како што рече, негуваме добри историски, културни и лични односи. Како претставници на регионален Парламент, рече Хоп, добро знаеме колку е битна регионалната соработка и затоа имате целосна поддршка да бидете дел од европското семејство.
Истакнувајќи го фактот дека Германија е наш клучен политички поддржувач и најголем трговски партнер, присутните на средбата се согласија дека двете земји имаат мошне добра соработка и во делот на економијата и образованието, иако, како што заклучија, секогаш има простор за дополнително продлабочување и интензивирање на односите во сите области.