Свет
(Видео) Украина нареди извидничката единица со беспилотни летала да го напушти Бахмут
![](https://makfax.com.mk/wp-content/uploads/2023/03/тѕ.jpg)
Извидувачката единица на украинската армија опремена со беспилотни летала доби наредба да го напушти Бахмут, град што руските сили очајно се обидуваа да го освојат со месеци.
Ова го потврди командантот на единицата Роберт Бровди во видео објавено утрово на „Телеграм“.
„Во средината на ноќта беше наредено веднаш да се напушти Бахмут и да се продолжи со борбените операции на друго место“, рече тој.
Руските сили последниве денови напредуваа во правец на Бахмут по повеќемесечно гранатирање и борби во околината на градот.
„Ќе ја послушаме наредбата“, рече Бровди додавајќи дека не знае зошто се преместува неговата единица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Земјотрес со јачина од 5,5 степени според Рихтеровата скала ја погоди областа на границата на Панама и Костарика
![](https://makfax.com.mk/wp-content/uploads/2023/08/zemjotres-1.jpg)
Земјотрес со јачина од 5,56 степени според Рихтеровата скала денеска ја погоди областа на границата меѓу Панама и Костарика, соопшти Германскиот истражувачки центар за геофизика (ГФЗ).
Според ГФЗ, земјотресот бил на длабочина од 10 километри, а пренесува „Ројтерс“.
Засега нема информации за повредени или материјална штета.
Свет
Макрон побара од Атал засега да остане на функцијата премиер на Франција
![](https://makfax.com.mk/wp-content/uploads/2023/10/677z381_makron-.jpg)
Францускиот претседател Емануел Макрон одлучи да го задржи својот премиер Габриел Атал на функцијата по парламентарните избори на кои политичкиот табор на владата ја загуби улогата на најсилната левичарска партија во парламентот.
„Претседателот побара од Габриел Атал засега да остане премиер за да се обезбеди стабилност на земјата“, се вели во соопштението од кабинетот на Макрон, пренесува Ројтерс.
Атал веќе во неделата најави дека ќе понуди оставка, која ја следи француската политичка традиција, но додаде дека е подготвен да остане на функцијата подолго како привремен премиер, но за тоа треба да одлучи претседателот.
Европа
Зеленски се огласи по бруталните напади врз Украина: „Светот не треба да молчи за она што го прават Русите“
![](https://makfax.com.mk/wp-content/uploads/2024/03/zelenski4.jpg)
Украинскиот претседател Володимир Зеленски се огласи на каналот „Телеграм“ по еден од најжестоките напади врз Киев од почетокот на војната во Украина.
„Светот не треба да молчи за руските напади во Украина, во кои загинаа најмалку 20 луѓе“, рече Зеленкси.
Тој исто така додаде дека детската болница, која беше погодена во нападот, е една од најважните медицински установи во земјата.
„Русија треба да одговара за сите злосторства врз луѓето, децата и човештвото. Многу е важно светот да не молчи за ова, сите да видат што прави Русија“, рече тој.
Да потсетиме, во нападот на Киев утринава загинаа најмалку седум лица, а неколкумина се повредени.
Во нападот беше погодена и најголемата детска болница во Украина, а евакуацијата на пациентите сè уште трае.