Црна хроника
Го бркал со секира заради паркинг
Жител на скопската населба „Ѓорче Петров“ со секира и нож бркал скопјанец заради паркинг место, соопшти МВР.
Вчера околу 13 часот на улицата „Ѓорче Петров“, четириесетгодишен скопјанец, Тони З. заедно со неговите две деца го паркирал својот автомобил „Фиат Добло“ пред куќата на седумдесет и петгодишниот Александар Т.
Кога видел сопственикот на куќата, од дворот почнал да вика, извадил нож и го изгребал Тони со нож на левата рака.
Тони ги зел децата и заминал преку улица, а кога се вратил да си го земе автомобилот, еден од минувачите го предупредил, му викнал да бега, бидејќи разлутениот сопственик на куќата зел секира за да го брка.
Тони успеал да побегне и го пријавил случајот во полиција. Сопственикот на куќата е приведен, одземена му е секирата и против него ќе биде поднесена соодветна пријава./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен маж од Неготино, ја вознемирувал поранешната партнерка
Неготинец бил лишен од слобода поради непочитување на судска мерка и вознемирување на поранешна партнерка, информираа денеска од СВР Велес.
„Вчера во 16.00 часот полициски службеници од ОВР Неготино го лишиле од слобода З.М.(42) од Неготино, постапувајќи по претходна пријава од страна на неговата поранешна 37-годишна партнерка од тој град. Според пријавеното, З.М. не го почитувал решението од Основен суд Неготино со мерка забрана за приближување, дошол во нејзиниот дом и по кратка расправија скршил прозорец од домот. З.М. бил задржан во полициска станица, известен бил јавен обвинител и по документирање на настанот против него ќе биде поднесен соодветен поднесок“, соопштија од СВР Велес.
Црна хроника
Скопјанец почина косејќи трева во двор, го усмртил струен удар
Вчера во 20.45 часот во СВР Скопје било пријавено дека во двор од семејниот дом на подрачјето на Бит Пазар, додека В.П.(66) од Скопје косел трева со импровизирана косилка, се здобил со струен удар и починал.
Од страна на лекар од Итната медицинска помош била констатирана смрт.
Црна хроника
Возач на трактор тешко повреден откако излетал од коловозот
Вчера во 08.45 часот во полициската станица Валандово било пријавено дека во атар на с.Чалакли, валандовско, трактор „ИМТ 533“ со полуприколка, управуван од А.П.(48) од с.Балинци, валандовско, излетал надвор од коловозот.
Во несреќата со тешки телесни повреди се здобил возачот, констатирани во Општата болница Гевгелија.
Извршен бил увид од увидна екипа од ОВР Валандово.