Свет
Трогателна објава од партнерот на Анастасија, жртва од Лариса: „Зошто не ме зеде со себе, ме остави сам“
Смртта на 24-годишната Анастасија Адамидо од Пафос, жртва на трагедијата во Темпи, Грција, ги шокираше нејзините сонародници на Кипар.
Меѓу оние кои тагуваат по нејзината смрт е и нејзиниот партнер Димитрис, кој реши да се прости од неа со објава на својот личен профил на Фејсбук. Го пренесуваме цитатот во целост:
„Убава моја, љубов моја, веќе ми недостигаш повеќе отколку што можеш да замислиш. Не знам што ќе правам без тебе покрај мене бидејќи ти беше мојата поддршка, моите соништа, мојот живот. Денеска требаше да бидеме заедно како и секој викенд од септември до сега, но јас сум сега сам во нашиот град Солун кој ти толку го сакаше (можеби ти го сакаше малку повеќе од мене).
Дојдов како и секој петок, но те нема. Во септември, кога заминав за Атина, се чинеше невозможно, но со нашата љубов и романса успеавме да стигнеме до тука, кога веќе немаше да се разделуваме во понеделник и повторно да се среќаваме во петок. Кога ме чекаше на вратата од куќата да ме гушнеш или јас да те бакнам на станицата Лариса и да бидам најсреќната личност што ќе те имам крај мене.
Την Δευτέρα αποχαιρετούν συγγενείς και φίλοι την Αναστασία Αδαμίδου – Η έκκληση της οικογένειας https://t.co/d9vqOMExJz
— ToThemaOnline (@tothemaonline) March 4, 2023
Не знам веќе на што да се надевам бидејќи ние двајца бевме едно и сите соништа и планови беа споделени. Посакувам да бев таму во возот со кој отидов да те видам како вчера, бидејќи дојде редот да дојдам овој викенд. Посакувам да не си сама и јас да сум со тебе да те заштитам како и секогаш или ако не можам ќе бевме заедно во ова затоа што рековме дека заедно ќе поминеме се.
Отидовме на толку многу патувања и што е најважно не ме зеде со себе, ме остави сам и не знам што да правам со тоа.
Мило ми е само што никогаш не криев од тебе колку те сакам“, пишува тој во својата објава
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Поднесено обвинение за убиството на Данка Илиќ
Вишото јавно обвинителство Заечар поднесе обвинителен акт против Срѓан Јанковиќ и Дејан Драгијевиќ, поради сомнение дека го убиле девојчето Данка Илиќ (2) во селото Бањско Поље кај Бор, дознава Нова.рс.
Обвинението е доставено до Вишиот суд пред неколку минути.
Двајцата се обвинети дека со автомобил на јавното комунално претпријатие „Водовод“ удриле девојче, а потоа ја задавиле и ѝ го сокриле телото на позната локација.
Случајот на Данка Илиќ првпат во Србија го активира системот „Најди ме“.
Свет
(Видео) Трамп: Верувам дека Зеленски е најдобриот бизнисмен во историјата
Според Трамп, Зеленски „навистина сака“ демократите да победат на претседателските избори во САД, бидејќи добива финансиска помош од нив.
„Верувам дека Зеленски е најдобриот бизнисмен во историјата“, рече Трамп.
„Секогаш кога доаѓа во нашата земја, тој заминува со 60 милијарди долари“, изјави републиканскиот претседателски кандидат.
Свет
Бајден денеска за последен пат зборува во Генералното собрание на ОН како претседател на САД
Американскиот претседател Џозеф Бајден денеска ќе го одржи својот последен говор на Генералното собрание на Обединетите нации (ОНГА) како претседател на САД.
Во обраќањето на Бајден пред Генералното собрание и на неговите средби со други светски лидери во Њујорк, главното прашање ќе биде конфликтот на Блискиот Исток и неговите потези во тој поглед, пренесува Гласот на Америка.
Бајден ќе им се обрати на стотици светски лидери кои секоја година се собираат на Генералното собрание на Обединетите нации, а говорот ќе го одржи во многу важен момент, изјави американската амбасадорка во ОН Линда Томас Гринфилд.