Свет
(Видео) Огромна огнена топка црн чад: снимен моментот на падот на авион во Њујорк, има и жртви
Едно лице загина, а две други се повредени вчера кога мал авион се урна во населбата Лонг Ајленд, а снимката од несреќата се појави на социјалните мрежи.
Авионот се урнал околу 15 часот по локално време, соопшти полицијата на округот Сафолк.
Пилотот пријавил чад во пилотската кабина додека леталото се приближувало до аеродромот „Република“, изјави портпаролката на Националниот одбор за безбедност на транспортот, пренесува „Њујорк пост“.
New York 🇺🇸A small plane crashed this afternoon in Lindenhurst, in the area of 5th Street and North Wellwood Avenue.
leaving at least one person dead and two others injured. A residence doorbell camera captured the moment when small plane crashed near the Long Island train track pic.twitter.com/7A6kLw1b5z— Sophia Lambert 🇺🇸 (@DV16FDS5V) March 6, 2023
На драматичната снимка може да се слушне моторот на авионот како испушта морничав звук, проследен со голема експлозија. Потоа се гледа огнена топка пред облак од црн чад да се издигне зад дрвјата.
„Во суштина, слушнав та-та-та, а потоа одеднаш тресок“, рече локалниот жител Кен Дефритас, чија камера на вратата ја сними експлозијата во шумска област во близина на неговиот дом.
Сите тројца патници се наоѓале во едномоторниот авион „пајпер ПА 28“, кој се урна на островот Лонг Ајленд, западно од Њујорк.
Повредените патници со хеликоптер биле пренесени на лекување во болницата „Стони Брук“.
Американската Федерална управа за воздухопловство (FAA) и Националниот одбор за безбедност на транспортот (NTSB) ќе спроведат истрага за причините за несреќата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина може да произведува четири милиони беспилотни летала годишно
Украинскиот претседател Володимир Зеленски денеска изјави дека земјата може да произведува четири милиони беспилотни летала годишно и бргу го зголемува производството на друго оружје.
Обраќајќи им се на шефовите на десетици странски производители на оружје во Киев, Зеленски рече дека Украина веќе има договорено производство на 1,5 милион беспилотни летала оваа година, пренесува „Ројтерс“.
„Во екстремно тешките услови на војната под постојани руски напади Украинците успеаја да изградат практично нова одбранбена индустрија“, рече Зеленски.
Свет
(Видео) Пропалестинските активисти во Берлин го прославија иранскиот напад врз Израел
За време на пропалестинските демонстрации во Берлин, Иран лансира ракети кон Израел. Германските медиуми јавуваат дека толпата ракоплескала, навивала и извикувала „Алаху акбар“.
„Ракети лансирани кон Израел“, извикуваше еден човек по што многубројни демонстранти навиваа, а некои дури и ракоплескаа. Се слушаа и извици „отпор“ и „Алаху акбар“ („Господ е голем“), пишува НТВ.
Es macht fassungslos, dass in einer Stadt, die so viel Schmerz und Leid aus der Geschichte gelernt haben sollte, Menschen offen Angriffe auf Juden feiern.#b0110
VIDEOQUELLE: https://t.co/RtnhBQVeI2 pic.twitter.com/xGCvAL0kvo
— Iman Sefati (@ISefati) October 2, 2024
Während Israel unter Raketenbeschuss steht, wird in Berlin die Hamas gefeiert, und die Berliner Polizei unternimmt nichts dagegen. Vielen Dank für den großartigen Einsatz @polizeiberlin @PolizeiBerlin_E #b0110 pic.twitter.com/nhiaGNLUPn
— Iman Sefati (@ISefati) October 1, 2024
Некои од учесниците на митингот вееја марами и палестински и либански знамиња.
Портпаролот на берлинската полиција, пренесоа германските медиуми, вчера изјавил дека информациите за скандирање „ниту може да ги потврди ниту да ги демантира“. Средбите се одржаа на две локации.
Регион
Средношколец загина во судир на автобус и автомобил во Србија, 36 повредени
Средношколец загина при судир на автомобилот што го возел и автобус на стариот пат меѓу Нови Сад и Инџија. Повредени се 36 лица, од кои четворица потешко.
Несреќата се случила утринава околу 7.30 часот на патот меѓу Инџија и Нови Сад.
Станува збор за автобус на редовна градска релација, кој, сепак, превезува и многу деца. Според неофицијални информации, младиот човек, кој го управувал автомобилот, е средношколецот Н. Ш.. Повредени се вкупно 36 лица, од кои 27 се згрижени во болниците во Нови Сад, Белград и во Сремска Митровица.
Во Клиничкиот центар во Војводина згрижени се 16 пациенти, од кои двајца се задржани на болничко лекување, седум се отпуштени на домашно лекување, а на уште седуммина им е дадена понатамошна дијагностика.