Регион
Лајчак патува во Косово и Србија на средби за нормализирање на односите
Европските дипломати продолжуваат да разговараат со властите на Косово и Србија со цел да ги охрабрат да ги нормализираат односите.
Специјалниот претставник на Европската унија за дијалог, Мирослав Лајчак денеска ќе престојува во Приштина, што е негова прва посета на регионот по средбата во Брисел на крајот од минатиот месец, на која европските лидери се обидоа да ја промовираат нормализацијата на односите меѓу Србија и Косово.
Иако претседателот на Србија и премиерот на Косово Александар Вучиќ и Албин Курти беа оптимисти по средбата во Брисел, прифаќајќи го планот за нормализација на односите што го подготвија Германија и Франција и поддржан од другите членки на ЕУ и САД, беше најавено дека допрва треба да се договорат деталите .
Лајчак освен со претставниците на владата во Косово ќе се сретне и со лидерите на опозициските партии, а потоа ќе отпатува за Белград.
Пред оваа средба Лајчак рече дека очекува страните да се договорат за начинот на спроведување на договорот од 27 февруари од Брисел.
„Очекуваме двете страни да се договорат за патот на имплементацијата, а треба да се подготват и за конструктивни предлози врз основа на нашиот текст. Очекувам дека за ова ќе разговараме со премиерот Албин Курти и со претседателот Александар Вучиќ за време на нивната посета во Приштина и Белград“, рече Лајчак, пренесува Фена, повикувајќи се на косовските медиуми.
На средбата во Брисел на 27 февруари, лидерите на Србија и на Косово го поддржаа предлогот на ЕУ за нормализација на меѓусебните односи и изразија подготвеност да започнат со негово спроведување.
Потоа, Александар Вучиќ изјави дека се’ додека е претседател на Србија, нема да потпише ниту формално, ниту неформално признавање на Косово, ниту негово членство во ОН, додавајќи дека тоа им го кажал на сите европски и светски лидери.
По враќањето од Брисел и двајцата лидери се соочија со остри критики на опозицијата. Курти беше критикуван дека прифатил да се формира заедница на српски општини на Косово, а Вучиќ беше обвинет за предавство на Косово и државните и национални интереси.
Американскиот амбасадор во Косово Џефри Ховениер истакна дека Соединетите Американски Држави се загрижени поради противењето на претставниците на косовската опозиција на европскиот предлог за нормализација на односите меѓу Белград и Приштина.
Исто така, германскиот амбасадор во Косово, Јорн Роде, ги повика опозициските партии во Косово да го поддржат француско-германскиот план и додаде дека заедницата на српски општини и е оставена на владата на Курти како „наследство“ од претходните влади, која се состоеше на денешните опозициски партии.
Портпаролот на американскиот Стејт департмент Едвард Прајс изјави дека Соединетите Американски Држави сакаат предлогот на ЕУ за нормализирање на односите меѓу Косово и Србија на крајот да резултира со взаемно признавање.
„Сметаме дека нормализацијата на односите треба да се заснова на конечно меѓусебно признавање. Ова е процес што го води ЕУ. САД го поддржуваат на секој можен начин. Присутни сме во овие разговори преку Габриел Ескобар, кој активно учествуваше со партиите и ќе продолжиме да правиме се што можеме за да го поддржиме овој процес“.
Посетата на Лајчак во Косово и Србија на крајот на февруари ја најави Службата за надворешни работи на ЕУ, а ја организира пред посетата на регионот високиот претставник за надворешна политика и безбедност на ЕУ, Жозеп Борел.
Следната средба на Курти и Вучиќ е закажана за 18 март во Охрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: БИХ е последната колонија во Европа
Претседателот на Република Српска, Милорад Додик, изјави дека во Босна и Херцеговина постои криза која трае веќе 26 години, во која правата им беа дадени на Србите, а потоа одземени во корист на муслиманите, како и дека Босна и Херцеговина е последната колонија во Европа.
„БиХ е последната колонија во Европа каде што луѓето кои дојдоа однадвор го презедоа раководството, кое никој не го избра на избори. Ние, локалните политичари, само одиме на избори, победуваме или губиме, но оние кои не се од БиХ Тие всушност играат водечка улога“, рече Додик во интервју за Џерусалим пост.
Тој посочи дека дури и Хрватите не се задоволни од ситуацијата во БиХ, но дека муслиманите не сакаат дијалог, туку ги обвинуваат Србите дека повикуваат на конфликт, што не е точно.
Регион
Татко во алкохолизирана состојба ја избол ќерката во Призрен: лекарите се борат за нејзиниот живот
Синоќа, нешто по полноќ, во Призрен е уапсен татко, кој во алкохолизирана состојба со нож ја нападнал својата ќерка (21) и ѝ нанел повреди опасни за животот.
Регионалниот полициски центар во Призрен потврди дека А. Ш. (44) со нож ја нападнал ќерката Е. Ш. по расправија под дејство на алкохол нанесувајќи ѝ повреди на грбот.
Таа е во критична состојба и лекарите во болницата во Призрен се борат за нејзиниот живот.
Случајот е карактеризиран како обид за убиство.
Како што истакнаа, таткото бил во алкохолизирана состојба и по наредба на надлежен обвинител, одредена му е мерка притвор до 48 часа.
Регион
82-годишен маж од Чешка со камера снимал деца без облека на Истра
82-годишен Чех снимал деца без облека во туристички објект во Истра, а го забележал обезбедувач кој повикал полиција, јавуваат локални медиуми.
Полициски службеници ја завршија кривичната истрага за 82-годишен чешки државјанин и утврдија сомнение дека сторил кривично дело искористување деца за порнографија.
Чешкиот државјанин е осомничен дека на 12 јуни околу 13 часот и 50 минути во туристички објект на територијата на ПУ на Истра снимал деца без облека, што го забележало обезбедувањето и повикало полиција. Мажот е приведен во полициска станица. По наредба на надлежниот суд извршен е претрес на камерата и пронајдени снимки со инкриминирачка содржина.
Осомничениот вчера попладнето бил приведен во притвор на ПУ на Истра, информира полицијата.