Европа
Осуден бизнисмен кој фрлил трудница во езеро: Сакал да го изгуби бебето затоа што побарала развод
Бизнисмен од Грција е осуден бидејќи принудил три лица да ја фрлат бремената сопруга во езеро.
Пред тоа барал да абортира кога таа му кажала дека сака развод, но и дека сака да го задржи бебето.
Бизнисменот тогаш збеснал и и рекол дека нема да дозволи друг маж да му го одгледува детето. Ја замолил да се сретнат, а кога се сретнале, со себе зел уште три лица.
Тројца мажи потоа насилно ја извлекле од автомобилот и ја фрлиле во блиското езеро, иако таа постојано ги молела да ја остават на мира, пишуваат медиумите во регионот.
Жената тврди дека ја фрлиле и си заминале, без воопшто да се свртат да видат дали е жива.
Таа некако успеала да доплива до брегот и да излезе, а во тој момент температурата на водата била шест степени, пишува „Protothema“.
“Веднаш повикав полиција. Реков дека ме фрлиле во езерото, дека ќе се вратат да ме убијат. Ми беше многу ладно”, изјавила трудницата.
На лице место веднаш пристигнала брза помош која бремената жена веднаш ја пренела во болница.
Имала повреди и модрици на грбот, коленото и раката.
Било откриено според медиумот, дека намерата на бизнисменот била жената да го загуби бебето.
Во образложението на пресудата на основниот суд се наведува дека бизнисменот навел уште три лица кои и се заканувале по животот на жената. Како отежителна околност се зема фактот дека жената била бремена и дека претходно истиот ден го известила дека тој е таткото и дека сака да го задржи детето.
Сепак според написите приказната има среќен крај бидејќи жената родила здраво дете.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.