Спорт
„Победата на Партизан е нерегуларна – еве го доказот“
Кошаркарите на Сплит загубија од Партизан, на домашен терен со 95:96 (24:27, 23:21, 24:23, 24:25) во натпреварот од 20. коло од регионалната АБА лига одигран на 4 март. Сплит одиграа рамноправен натпревар против фаворизираниот противник, победникот го реши тројката на Џејмс Нанали на 1,5 секунда пред крајот.
Но, победата на Партизан е под знак прашалник, бидејќи играчот на Партизан, Матијас Лесор, беше во игра во последните шест и пол секунди, иако веќе имаше пет лични грешки. Но, на семафорот стоеше дека францускиот центар има четири лични, што јму даде за право на тренерот Жељко Обрадовиќ да го врати во игра, иако претходно го извади поради петтиот прекршок.Исклучувачкиот фаул, Лесор го направи на 50 секунди до крајот.
На плеј бај плеј, на официјалната веб-страница на АБА лигата четвртиот фаул на Лесор му беше запишан на Нанели.
Судии на овој натпревар беа Дамир Јавор, Милош Кољеншиќ и Едо Јавор, кои направија недозволива грешка на шетата на домашниот тим.
Оваа вест прв ја соопшти Домагој Панциров, коментатор на ТВ Арена, при преносот на натпреварот СЦ Дерби-Сплит.
Во приложениот твит има видео преглед на сите лични грешки досудени на францускиот кошаркар, со придружен скриншот од плеј бај плеј од веб-страницата на АБА лигата, како и доказ дека и покрај тоа тој бил на паркетот до крајот на утакмицата.
POBJEDA PARTIZANA PROTIV SPLITA JE NEREGULARNA! Mathias Lessort, centar Partizana bio je na parketu zadnja 2 odlučujuća posjeda protiv Splita na Gripama. Lessort je u tom trenutku imao 5 osobnih grešaka i nije smio biti na terenu! U nastavku prilažem videodokaze svih faulova.
— Ivan Dominik Unković (@idunkovic) March 13, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.