Регион
Тинејџерката од Србија, која превезуваше 9 килограми наркотици, останува зад решетки, роденденот го прослави во притвор
На Јелена М. (20), тенисерка и средношколка, која беше уапсена кога полицијата во нејзиниот автомобил „смарт“ пронашла осум и пол килограми марихуана, ѝ е одредена мерка притвор до 30 дена, соопшти судот во Белград.
Јелена М. е уапсена со 17-годишен малолетник во жолт „смарт“ поради сомнение дека превезувале 8,5 килограми марихуана за препродажба, која ја подигнале на Копаоник.
„Таа денес наполни 20 години. Повремено држи часови по тенис“, пишува „Телеграф“.
Тие се приведени од полицијата, Службата за борба против организираниот криминал, по наредба на Вишото јавно обвинителство во Белград.
Инаку, таа била сослушана во Вишото јавно обвинителство и на рочиштето се бранела со молчење, односно го искористила законското право да не изнесе одбрана.
Според наредбата за спроведување на истрагата, Јелена М. на 12 март годинава, со автомобил „смарт“ отишла на Копаоник и од непознато лице одзела црна патна торба, во која имало вкупно 8,5 килограми марихуана, спакувана во 20 пакувања, и го ставила во багажникот на наведеното возило што го управувала, а на совозачкото седиште имало малолетно лице, против кое е одвоена постапката. При враќањето во Белград пријавените биле сопрени од полициски службеници и лишени од слобода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во БиХ
Земјотрес со јачина од 2,9 степени ја погоди денеска Босна и Херцеговина.
Епицентарот бил во близина на Мостар.
Засега не се знае дали е причинета материјална штета.
Регион
Пумпата за базен го повлекла момчето на дното: детали за трагедијата на Златибор
Момче (6) од Белград вчера се удавило во базен на познат хотел на Златибор, а според неофицијални информации, смртта ја предизвикала пумпата од базенот. Кога момчето нурнало, наводно пумпата го повлекла на дното.
Очевидците на оваа трагедија со сите сили се обиделе да го извлечат детето, но не успеале поради вакуумот, а момчето починало.
По наредба на Основното јавно обвинителство во Ужице, на телото на момчето е наредена обдукција.
Полицијата го уапсила сопственикот на фирмата за одржување на базените. На осомничениот му е одреден притвор до 48 часа. Тој беше обвинет за тешко дело против општата безбедност.
Повреденото момче било придружувано од жена за која постои сомневање дека е баба му, пишува „Блиц.рс“.
Екипата на „Блиц“ стапила во контакт со хотелот во кој се случила трагедијата, но од вработените велат дека не сакаат да даваат изјави за медиумите.
Регион
Работник за одржување базен уапсен поради смртта на момче на Златибор
Полицијата му одредила притвор до 48 часа на одговорниот за одржување на базенот на Златибор, каде што се удави момче (6).
Како што соопштија за „Танјуг“ во Основното јавно обвинителство во Ужице, уапсениот се сомничи за сторено тешко кривично дело против општата безбедност.
Шестгодишно момче на 1 октомври се удави во базен на хотел на Златибор.
На телото на момчето е наредена обдукција.