Европа
Борел: Време е да покажеме одговорност
Време е лидерите на Косово, Србија и на целиот Западен Балкан да покажат храброст и да ја споделат одговорноста за успехот на пристапниот процес на регионот на ЕУ, изјави шефот на европската дипломатија, Жосеп Борел, во пресрет на дијалогот меѓу Белград и Приштина, што ќе се одржи викендов во Охрид.
Во блогот на високиот претставник, кој е објавен на веб-страницата на Европската служба за надворешни работи, се нагласува дека тоа ќе резултира со нормализирање на животот на луѓето во регионот и ќе го отвори патот Косово и Србија да се приклучат на ЕУ.
Западен Балкан се разликува, нагласува Борел, од кој било друг регион во непосредното соседство на ЕУ.
Повеќето луѓе што живеат на Балканот сакаат да гледаат напред, а не назад, вели тој.
Шефот на европската дипломатија посочува дека мнозинството од луѓето што живеат на Балканот сакаат да гледаат напред, а не назад.
„Штом официјално ја презедов функцијата висок претставник за надворешна и безбедносна политика на ЕУ и потпретседател на Европската комисија, Западен Балкан природно стана една од главните точки на моето внимание. Секогаш кога ќе се сретнам со претставници на граѓанското општество за време на моите многубројни посети во регионот, тие ми кажуваат едно нешто јасно: мнозинството луѓе кои што живеат на Балканот не сакаат да бидат заглавени во 90-тите, постојано соочени со враќањето на минатото. Тие сакаат да гледаат напред, а не назад, да живеат во демократија, во која владее правото, во општества што даваат можности за сите. Желбата да се биде член на нашата заедница на вредности не е сон и ги поддржувам нивните аспирации, како и целото раководство на ЕУ. Западен Балкан е дел од Европа. И тие, секако, не се чип што Путин би го користел во своите империјалистички соништа“, додава Борел.
Меѓутоа, за да се отвори патот кон постигнување на целта за влез во ЕУ, Србија и Косово мора да ги нормализираат односите.
Тој вели дека никој никогаш не рекол дека постигнувањето договор за нормализација ќе биде лесна задача.
„Имаше подеми и падови, а премногу често, прашањата што се сметаат за мали и технички, се покажаа како многу чувствителни и политички, со потенцијал да ескалираат во насилство. Никој никогаш не рекол дека таква монументална задача како олеснување на договорот за нормализација ќе биде лесна“, рече шефот на европската дипломатија.
„Не беше лесно да се избегне конфликтот, но успеавме“, додава тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Најголемата егзекуција на војната: Русите убија 16 Украинци, кои се предадоа, јавуваат украинските медиуми
Руски сили егзекутираа 16 украински воени заробеници во близина на Покровск во областа Донецк. Ова е најголемиот случај на егзекуција на украински воени затвореници, јавуваат украинските медиуми повикувајќи се на Канцеларијата на главниот обвинител.
The Russian military executed 16 (!!!) surrendered Ukrainian soldiers at sight.
This is the worst incident of POW execution known so far in this war.
It happened near Pokrovsk.
Look at what the Russians did – they lined the surrendered Ukrainians up, shot them all down, and… pic.twitter.com/U3ub7PKx3x
— Illia Ponomarenko 🇺🇦 (@IAPonomarenko) October 1, 2024
Вчера, на каналите на „Телеграм“ се појави видео од егзекуцијата на 16 украински војници. Се претпоставува дека тоа се случило во атарот на селата Миколаивка и Сукји Јар кај градот Покровско за што со месеци се водат жестоки битки.
Европа
(Видео) Вуледар падна, Русите веат знамиња во центарот на градот
Руските сили имаат целосна контрола над градот Вуледар во областа Донецк во источна Украина, објави утринава каналот SHOT на комуникациската платформа „Телеграм“ и проруските воени блогери.
„Ројтерс“ не може независно да ги потврди извештаите. Руското Министерство за одбрана сè уште не го потврди заземањето на градот.
Confirmed. Russia has fully occupied Vuhledar. Russian units from the 36th Separate Guards Motor Rifle Brigade raised their flag over the Vuhledar City Council. Ukrainian forces have withdrawn to Bohoyavlenka, north of Vuhledar. pic.twitter.com/q2OZueh9Gc
— NOELREPORTS 🇪🇺 🇺🇦 (@NOELreports) October 1, 2024
Регионален украински функционер синоќа изјави дека руските сили стигнале до центарот на градот, стратешко упориште, кое повеќе од две години се спротивставувало на руските напади. Снимките од руските сили како го веат своето знаме на покривот на административната зграда во центарот на градот во вторникот покажаа дека зградата е делумно претворена во урнатини со скршени прозорци.
Европа
Експлозии во близина на израелската амбасада во Копенхаген
Данската полиција истражува две експлозии во близина на израелската амбасада во Копенхаген, објави утринава Ројтерс.
„Никој не е повреден, ние спроведуваме првична истрага на местото на настанот“, објави полицијата во Копенхаген на Икс.
„Се истражува можна поврзаност со израелската амбасада во областа“, додаде полицијата.