Спорт
Франција лесно со Холандија, Лукаку ги „казни“ Швеѓаните
Франција, во својот прв меч по поразот во финалето на Светското првенство во Катар, бргу ја „реши“ Холандија со три гола во првите дваесетина минути за 4:0 триумф и убав старт на квалификациите за Европското првенство во 2024.
Белгија исто така имаше фантастичен старт, победувајќи ја Шведска на гости со хет-трикот на Ромелу Лукаку, додека Србија го отвори циклусот со 2:0 победа над Литванија.
По сите шпекулации дека Антоан Гризман е бесен што Килијан Мбапе ја доби капитенската лента во француската репрезентација, токму Мбапе му асистираше на Гризман уште во втората минута за 1:0 водство. Во осмата минута, Дајот Упамекано заби за 2:0, за Мбапе, во 21. минута да стави крај на сите надежи на гостите. Мбапе, во својот прв меч како капитен, во 88. минута го претвори високиот пораз во вистинска катастрофа на тимот на Роналд Куман во неговото деби на холандската клупа.
Ромелу Лукаку, пак, по слабата форма за Интер оваа сезона, се „разбуди“ против Швеѓаните, доминирајќи со хет-трик за 3:0 триумф. Лукаку го отвори резултатот во 35. минута од мечот, во 49. минута зголеми на 2:0, за во 83. минута да го комплетира хет-трикот. Србија, пак, пред малку публика, со головите на Душан Тадиќ во 16. минута и во 53. минута на Душан Влаховиќ. И Чешка имаше убав старт, по 3:1 победата над Полска.
ЕУРО 2024 КВАЛИФИКАЦИИ
ГРУПА Б
Франција – Холандија 4:0
Гибралтар – Грција 0:3
ГРУПА Е
Чешка – Полска 3:1
Молдавија – Фарски Острови 1:1
ГРУПА Ф
Австрија – Азербејџан 4:1
Шведска – Белгија 0:3
ГРУПА Х
Србија – Литванија 2:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе се игра само во Англија: Горди сме што се разликуваме
ФИФА покрена иницијатива да дозволи натпреварите од националните првенства да се играат на неутрален терен. Пред се, ова се однесува на натпреварите на популарните клубови кои би оделе за големи пари и би играле натпревари во САД и Азија.
Првиот човек на шпанската Примера, Хавиер Тебас веќе најави дека шпанските клубови ќе ја прифатат оваа иницијатива, но во Премиер лигата немаат намера да се впуштат во ваква авантура.
„Играњето надвор од нашата земја не е во план. Не размислуваме на таа тема. Она што го слушаме од нашите играчи е дека се игра многу фудбал и дека се зголемува бројот на натпревари. Премиер лигата не го промени својот формат. Она што се промени во текот на изминатите неколку децении е обемот на меѓународни натпревари“, рече Мастерс, додавајќи
„Ние во Англија сме горди што сме различни. Имаме уште две куп натпреварувања. Сè уште веруваме дека наше е да одлучиме како ќе изгледа нашето натпреварување и колку клубови ќе имаме во лигата. Ако ја дополните чашата која е пона се ќе се истури, заврши Мастерс.
Спорт
Ливерпул објави дека се раздели со двајца фудбалери
Ливерпул во новата сезона ќе влезе без Јирген Клоп, но и без неколку играчи. Клубот досега ги потврди се заминувањата на Жоел Матип и Тиаго Алкантара.
Жоел Матип (32) летово ќе се прости од Ливерпул по осум сезони. Дефанзивецот беше меѓу првите засилувања во ерата на Јирген Клоп, кој го донесе Камерунецот од Шалке.
Тој забележа 201 настап, постигна 11 гола, освои седум трофеи.
„Не сум сигурен дека би било можно да се каже нешто лошо за него. Прекрасен професионалец, прекрасен фудбалер и прекрасно човечко суштество, бевме благословени што го имаме со нас толку долго, а сега се што можеме да направиме е да му посакаме најдобро во неговиот нов предизвик“, изјави Клоп.
Покрај Матип, заминува и шпанскиот играч за врска Тиаго Алкантара. Тој помина четири сезони во клубот, поради повредите одигра само 98 натпревари, постигна шест гола.
„Пред да дојде во Ливерпул, верував дека ако навистина го сакате фудбалот, ќе има смисла да гледате како игра Тиаго Алкантара“, изјави Јирген Клоп.
„Технички, тој е толку, толку добар. Талент кој може да игра во која било екипа во светот и беше привилегија да го имаме со нас“, додаде Германецот.
Спорт
Реал одбил 45 милиони евра за Арда Гулер
Арда Гулер, минатото лето за 20 милиони евра пристигна во Реал од Фенербахче. На почетокот се мачеше со повредите, на крајот забележа 11 настапи, мина на теренот 350 минути, тоа му беше доволно да постигне четири гола и да придонесе за 36. титула на Реал.
Гулер доби шанса од Карло Анчелоти да биде стартер во финишот на сеозната, кога Реал ја обезбеди титулата. Се шпекулираше дека наредната сезона би може да биде позајмен во друг клуб за да стекне искуство, а шпанските медиу и тврдат дека Арсенал испратиле понуда од 45 милиони евра за да го откупат неговиот договор.
„Арда дефинитивно ќе биде овде и следната сезона“, изјави Анчелоти отфрлајќи секаква можност за продажба на Турчинот.
„Навистина ми се допаѓа како играч. Сите знаеме дека е со врвен квалитет и талент. Тој е малку ограничен во играта без топка. Таму мора да се подобри и тоа е она што го прави”, изјави претходно Анчелоти по еден натпревар.
По завршувањето на сезоната Арда Гулер ќе им се приклучи на колегите од турската репрезентација која ќе настапи на Европското првенство во Германија.