Спорт
Лук Кенард со шутерско шоу го одведе Мемфис во плејофот
Кошаркарите на Мемфис Гризлис со победата од 151:114 над Хјустон обезбеди место во плејофот, а предводник во успехот беше Лук Кенард со 30 поени, сите со шутеви од далечина. Тој постави нов НБА рекорд откако погоди дури 10 тројки од 11 обиди.
Luke Kennard tonight:
🎯 Sets career-high and franchise record with 10 threes
🎯 Becomes 1st player ever with 10+ 3PM on 90%+ FG
🎯 Leads Grizzlies to a playoff-clinching W pic.twitter.com/7WEjWEi926— NBA (@NBA) March 25, 2023
Лос Анџелес Лејкерс без Леброн Џејмс го совладаа Оклахома Сити тандер со 116:111 и првпат сезонава имаат успешност од 50 проценти.
Голден Стејт Вориорс во дербито ја победи Филаделфија со 120:112 со одлична игра во последната четвртина. Џоел Ембид постигна 46 поени за поразениот тим.
Лука Дончиќ уфрли 34 поени против Шарлот, но тимот на Далас загуби трет натпревар по ред. Гостите славеа со 109:117, а Пи Џеј Вашингтон беше стрелец на 28 поени.
Бостон Селтикс ја победи Индијана со 120:95. Тејтум беше најдобар во домашниот тим со 34 поени.
Резултати НБА: Бостон – Индијана 120:95, Вашингтон – Сан Антонио 136:124, Торонто – Детроит 118:97, Мемфис – Хјустон 151:114, Далас – Шарлот 109:117, Јута – Милвоки 116:144, Голден Стејт – Филаделфија 120:112, Портланд – Чикаго 96:124, Сакраменто – Феникс 135 – 127, ЛА Лејкерс – Оклахома 116:111.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.