Црна хроника
Загина 22-годишно момче во сообраќајка
Во тешка сообраќајна несреќа вчера попладне загина дваесет и двегодишниот Дејан Василев од општина Василево, а неговиот сопатник е тешко повреден, информираат од СВР Струмица
Несреќата е случила на раскрсницата на улиците „Маршал Тито“ и „Димитар Цветинов“ кога мотоциклот со кој управувал Василев се судрил со автомобил марка “мерцедес“.Василев паднал на коловозот и при лизгањето се удрил во автомобил „Рено меган“ кој што бил паркиран. Момчето починало на пат кон струмичката болница.Се работи утврдување на точните причини поради кои настанала сообраќајката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Инцидент во филијала за брзи кредити на Бит Пазар: маж со оружје се обидел за земе пари
Инцидент се случил вчера во филијала за брзи кредити на подрачјето на Бит Пазар.
Маж со закана со огнено оружје се обидел да одземе пари од вработената, но во намерата бил спречен од странка во објектот, по што го напуштил местото на настанот, информираа од МВР.
Се преземаат мерки за расчистување на случајот.
Црна хроника
Девојчиња истепани од нивни врснички во Карпош
Две девојчиња биле нападнати вчера од малолетнички на подрачјето на Карпош.
Случајот во МВР го пријавил еден од родителите на девојчињата.
„Околу 18.00 часот, на подрачјето на Карпош, малолетно девојче и неговата другарка биле физички нападнати од две други малолетнички“, објави полицијата.
По целосно документирање на случајот ќе следува соодветен поднесок.
Црна хроника
Покрив и кат од семејна куќа изгореа во Струмица
Денеска околу 09:30 часот во пожар изгореа покрив и кат од семејна куќа на улицата „Спиро Захов“ во Струмица, соопштија од ТППЕ Струмица.
Пожарот го гаснеле три против пожарни возила и 10 пожарникари, кои успеале навреме да го локализираат и ликвидираат и спречиле да се прошири и да предизвика поголема штета.
Во пожарот нема повредени лица, а предизвикана е материјална штета.